Маңғыстау облысында бүтіндей бір ауыл аммиак қалдығына тұншығып отыр. 40 мыңға жуық халқы бар Басқұдық ауылының тұрғындары бірнеше жылдан бері өздерін улап жатқан өткір иіске шағымданып келеді. Әйтсе де шенеуніктер осы уақытқа дейін бір шешімін таппағанына ашулы. Айтуларынша, «КазАзот» компаниясының ауылдағы канал арқылы төгіп жатқан аммиак қалдығының кесірінен ауыл тұрғындарында аллергия, қышыма секілді аурулар көбейген. Мәселені тұрғындармен кездесіп келген әріптесім Махаббат Нұржанқызы айтып берсін.
Тұрғындардың айтуынша «КазАзот» компаниясы өткір иісті аммиакты, қалдықтар көліне Басқұдық ауылының шетіндегі канал арқылы төгеді. Бірақ, еш қауіпсіздік талабын сақтап жатқан жоқ. Зиянды қалдықтар ашық күйде төгіліп, ауаға тарайды деп наразы. Соның кесірінен тұрғындар арасында қышыма, аллергия сияқты аурулар көбейді дейді жиналғандар. Кейбірі тіпті жазда күн қайнаған шақта да аммиактың өткір иісінен тыныстай алмаймыз дейді. Жұрт амалдың жоқтығынан терезелерін ашпауға тырысады екен.
ЖҰМАНАЗАР ТҰРСЫНБАЕВ, Басқұдық ауылының тұрғыны:
- Қазір труба жүргізген. Труба жүргізгенімен бәрібір улы су ағып жатыр. Трубаларының жалғаған жерінен ағып жатыр. Кәдімгі мына селитралы аммиактың суы ағады, аммиак кәдімгі улап жатыр халықты. Бүтін Басқұдық емес, бүтін Маңғыстауды улап жатыр ғой бұлар.
ГҮЛМИРА ІЗТІЛЕУОВА, Басқұдық ауылының тұрғыны:
- Көршілеріміз де жаңағыдай аллергия уже денесіне дейін қышиды, сондай аурулар пайда болып жатыр. Уже мұрнымызға не себетінімізді білмейміз. Мына "КазАзоттың" кесірінен біздер зардап шегіп жатырмыз.
Бұған дейін белсенді тұрғындар құзырлы органдарға шағым жазған. Былтыр қыркүйекте экология департаменті «КазАзот» компаниясына аммиак мөлшерінің нормасы рұқсат етілген шегінен асып кеткені үшін 6 миллион теңге айыппұл салды. Халықтың айтуынша, айыппұлдан кейін де компания аммиакты төгуін доғармаған. Ал «КазАзот» компаниясы басшылығының айтар өз уәжі бар. Бас директор зауыт Кеңес үкіметі кезінде салынып, әу бастағы жоба бойынша қалдықтар осы канал арқылы төгілетін болып бекітілген дейді. Ал Басқұдық ауылы 2000 жылдары құрылды, сондықтан тек компанияны кінәлау дұрыс емес деп отыр.
АРМАН МӘУЛЕШОВ, «КазАзот» АҚ Бас директоры:
- Бұл канал біздің есебімізде емес, бұл канал басқа мекемеге «Лидер Құрылыс сервиске» жатады. Біз жыл сайын сол мекемеге ақша төлеп отырамыз соны пайдалану үшін. Негізі ол проект бойынша ашық жіберетін едік суды. Қазір біз, ертең Құдай қаласа бітіреміз оны уже құбырды салдық құбыр бойынша су кетеді, ешқандай иіс келмейді Басқұдық селосына.
Компания басшысының айтуынша, кәсіпорын тәулігіне 1000 текше метр аммиак қалдығын төгеді. Зауыт ескіргендіктен кейде одан да көп мөлшерде шығарылуы мүмкін екен. Ал алдағы 4 жыл ішінде зауыт жаңартылып, қалдықтар басқаша тәсілмен төгілетінін айтады. Бірақ, дәл қазір қалдықтарды басқа жерге төге алмаймыз дейді. Өйткені бұл канал улы қалдықтар көліне жалғанып жатқан жалғыз жол көрінеді.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал