Маңғыстау облысында Маңғыстау деген аудан бар. Астанадай алып шаһар болмаса да, аудан жыл санап түрленіп, гүлденіп келеді. Қуантарлығы, туған жерді түлетуге тұрғындар да демеу болып жүр.
Бірі ірі спорт кешенін тұрғызса, енді бірі заман талабына сай ипподром салып жатыр. Тағы бір ауыл түлегінің қаражатына балабақша бой көтеруде.
Гүлмира Әбішева, тілші:
-Жақын күндері Шетпе ауылының тұрғындары кәсіби спортпен шұғылданып, салауатты өмір салтын ұстануға мүмкіндік алмақ. Ауылдан шыққан азамат өз қаражатына заман талабына сай мынадай тұтас бір спорт кешенін салып беріп жатыр. Бұл кешенде бір мезгілде 100 адамға дейін жаттыға алады.