Төрийн тахилгат Халдун хайрханы өврөөс
Хөөмийч, магтаалч, моринхуурч Л.Бямбахишиг, УГЗ, хөөмийч Б.Одсүрэн нарын бүтээл “Чингис хааны магтаал”
ҮУИТ-н хөөмэйч М.Саруултөгс
Follow to Saruultugs
myagmartsogt...
ЧИНГИС ХААНЫ МАГТААЛ
Дэлгэр цагаан Ононгийнхоо
Дэлүүн болдог нутагт
Хар морин жилийнхээ
Хаврын тэргүүн сард
Арван зургаа хэмээх улаан тэргэл өдөр
Өдөр дундын цагт нь эзэн Чингис төрөхдөө
Шагайн чинээ нөжийг баруун гартаа атгаж
Барын чинээ архиралтаар бараан өтөгт унахдаа
Шар солонго тэнгэрт гэгээн өдрийг татуулж
Шаргал нарны туяаг гэртээ гийгүүлж байжээ
Долоо хоногийн хойхнотой харавтар шувуу ирээд
Өрхөн дээр нь суугаад Тэмүжин гэж дууджээ
Энэ л билэгт нэрийг нь эцэг Есүхэй дурсаж
Эзэн Чингис гэснээр энэхэн дэлхийд алдаршжээ
Дээдсийн оюун ухаанаар
Дэлхий дахиныг товчилж
Мохошгүй оюун ухаанаар
Монгол улсаа мандуулж гэнэ
Арга ухаан хоёроороо
Аадар бороо шиг нөмөрлөж
Аз хийморь гэдэг нь
Урьхан салхи шиг дүүрлэжээ
Хангал морины зоон дээр
Хатан дөрөөг мултлаагүй
Хамаг Монгол орноо
Харийн дайсанд алдаагүй
Төөрөг заяа тэгширч гэнэ
Төр улсаа мандуулж гэнэ
Түүх шаштираа дархалж гэнэ
Түмэн олноо жаргуулж гэнэ
#Чингисхаанымагтаал #тэмүжин #temujin #chingiskhaanimagtaal #khoomii