Бұған «Жұмыспен қамтудың жол картасы-2020» бағдарламасы оң әсерін тигізіп отыр.
Халықтың тұрмысына қажетті орындар, сәнді ғимараттар ауылдың ажарын ашып қана қоймай, тұрғындарға қосымша табыс табуына сеп болуда.
Жыл басынан бері бір ғана Махамбет селосында 236 адамға 610 миллион теңге көлемінде шағын несие берілген.
Ұзын жолдың бойына орналасқан. Ауыл шетіндегі көлік жөндеу орталығы қашан да қарбаласқа толы. Сағат Жұмаханов мемлекет көмегімен жеке кәсібін ашып, ондаған ауылдасына жұмыс тауып беріп отыр.
Сатыбалды Мақанов, көлік жөндеу станциясының қызметкері
-Жаман емес, өмір сүріп жатырмыз. Жалақымыз уақытында, мұқтаж болсақ өтініш жасаймыз. Цех күннен-күнге көркейіп келе жатыр.
Бір кездегі шағын шеберхана қазір үлкен көлік жөндеу станциясына айналған. Мұнда шанақтарды теңестіру, мотордың қалыпты жұмысын қалпына келтіру секілді көліктің күрделі жөндеулері осы заманғы озық технологиямен жүзеге асырылады.
Сағат Жұмаханов, кәсіпкер
-Болашақта осы жерден токарьный цех салғым келіп отыр. Үкіметтің 2020 бағдарламасы өте тамаша бағдарлама. Өзіме өте үлкен көмек болды. 3 млн несие алып, осы шаруашылығымыды ашып, жақсы жасап жатырмын.
Жеке кәсібінен нәсібін айырып, ауылдастарының қажетін өтеуге бет бұрғандардың қатары көп. Биыл бір ғана Махамбет ауданында 194 кәсіпкер мемлекеттен жеңілдетілген пайызбен несие алған. Бизнес ашып, 155 адамды жұмыспен қамтыды.
Авторлары: Арыстанбек Кенже, Темірлан Сұлтанғазиев