Играната документарна програма на Македонската телевизија обезбеди ексклузивен материјал од отворањето на Македонскиот народен театар. Вечерта на 7.12.2013 година, спроти празникот Св. Климент, во празнична и свечена атмосфера беше изведена премиерата со која започна театарската „одисеја" на оваа наша значајна институција.
Камерата на МРТ успеа да влезе во ВИП зоната, регистрирајќи изјави од доајените на Македонскиот театар, од популарните и актуелни театарски работници и актери, од високи општествени личности, како и од многубројните гости од театрите на соседните држави. Во специјалната емисија, реализирана во постпродукција, ќе имате ексклузивна можност да ја доживеете оваа историска ноќ, да проследите архивски материјал којшто ќе остане во ризницата на документацијата на МРТ, како сведоштво на новата театарска ера кај нас.
Претставата „Вечната куќа" е снимена во целосна ха-де резолуција, а гламурот, емоциите и секако овациите по премиерата, ќе имате можност да ги проследите во текот на новогодишните празници.