БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Қарғын судан жапа шеккен халық шығындардың қалай өтелетіннен бейхабар. Жинаған дүние-мүлкі мен төрт түлігінен әп сәтте айырылған жұртқа комиссияның жұмыс істеуі тәртібі де түсіндірілмеген. Мәжіліс депутаттары топан су басқан аймақтардағы қордалған мәселені көтеріп, алдын ала айтылған ескертуге құлақ аспаған шенеуніктерді шетінен жазалау керек дейді. Бұдан бөлек, төтенше жағдай кезінде тасымал мен тауар құнын қымбаттатқандарға да шара қолдану ұсынылды.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Көктем басталғаннан-ақ өңір-өңірді жайлаған тасқын судың беті әлі де қайтар емес. Кейбірі жөндеу жұмыстарына кіріссе, кей облыстар тасқынның тағы бір толқынын күтіп отыр. Ал мүлкі суға кеткен жұртқа әлі де болса шығынның қалай есептелетіні туралы нақты ақпарат жетпеген. Комиссияның қалай жұмыс істейтінінен бейхабар жұрт төлемнің толық өтелу жолдарын да білмейді, - дейді мәжіліс депутаты Ринат Заитов.
РИНАТ ЗАИТОВ, ҚР Парламенті Мәжілісінің Депутаты:
- Апат салдарынан зардап шеккен халық өз шығындарының қалай есептеліп, қалай өтелетінін әлі де толық білмейді. Өйткені шаралардың нақты алгоритмі жасалмаған. Комиссия қалай құрылып, қалай жұмыс жасайтыны жайлы халыққа дұрыс хабарланбаған. Сол себептен Комиссия жұмысын жеңілдетіп, халықпен тікелей байланыстыру мақсатында оның құрамына ел сеніміне ие болған жергілікті белсенді азаматтарды қосу керек деп есептейміз.
Ал тосыннан келген апатқа дайын болмаған әкімдіктегілер қандай да бір шешім қабылдауға қорқады, дейді депутат Ерлан Саиров. Сондықтан мұндай шұғыл қабылданатын шешімдер кезінде облыс пен ауданды басқарып отырғандарға қосымша құзырет берілуі тиіс екендігін атап өтті. Тым болмағанда өңірдің инфрақұрылымын, бөгет пен ирригация жүйелерін салу жөніндегі шешімдерді өздері қабылдауы қажет деп есептейді.
ЕРЛАН САИРОВ, ҚР Парламенті Мәжілісінің Депутаты:
- Қазір аудандық әкімдер шешім қабылдауда қорқады. Өйткені табжылып кетсе ертеңінде прокуратура, компетентті органдар келеді. Соның салдарынан бүгінгі жағдайда мемлекет жүздеген миллиард шығынға батып отыр. Құзыретті бере отырып, бюджеттік бағдарламаларды да беру қажет. Қазір кей кездері құзырет болса да аймақтарда бюджеттік бағдардама жоқ болғандықтан қаржы министрлігі тиісінше қаржы бермейді.
Топан су есті алғанда, тұрғындардың қауіпсіз жерге жетуіне жолаушылар тасымалдау қызметі де үлкен кедергі келтірген. Өйткені сұранысты ұтымды пайдаланғысы келгендер билет құнын шарықтатып жіберген. Ал бұл мәселе бірінші рет емес. Сондықтан мәжіліс депутаттары әуе және темір жол билеттерінің бағасын ретке келтіруді ұсынды.
ЕДІЛ ЖАҢБЫРШИН, ҚР Парламенті Мәжілісінің Депутаты:
- Атыраудан Ақтауға ұшақпен жеткісі келген жолаушылар бір билет үшін 170 780 теңге төлеуге мәжбүр болды. Ал Атыраудан Алматыға билет бағасы 675 мың теңгеге дейін көтерілген. Әуе қатынасы бойынша ішкі рейстер бағасының тым қымбаттауы әріптестерім тарапынан бірнеше рет көтерілді. Бірақ түбегейлі өзгерісті көріп отырған жоқпыз.
Сонымен бірге құны шарықтаған қап пен өзге де тауарлардың бағасын тұрақтандыру туралы мәселе де көтерілді. Осындай қиын қыстау жеке пайдасын ойлағандарға тиісті шара қолдану керектігі де айтылды.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық