Рет қаралды 19,463
Masallıda yol-nəqliyyat hadisələrinin qarşısının alınması məqsədilə reyd keçirilib. Reydlər zamanı eyni zamanda ictimai nəqliyyatda pandemiya qaydalarının gözlənilməsi də yoxlanılıb.
Yollarda baş verə biləcək qəza hadisələrinin qarşısının alınması və nəqliyyatın təhlükəsiz hərəkətinin təmini məqsədilə Masallıda Dövlət Yol Polisi Bölməsinin əməkdaşları tərəfindən növbəti reyd təşkil olunub. Həmçinin sərnişindaşıma ilə məşğul olan nəqliyyat vasitələri saxlanılmaqla karantin rejiminin tələblərinə riayət olunub olunmaması yoxlanılıb. Şəhərin müxtəlif küçə və prospektlərində təşkil olunan reydlər zamanı sürücülük vəsiqəsi olmadan nəqliyyat vasitəsini idarə edənlər, müvafiq fərqlənmə nişanı və lisenziyası olmadan sərnişindaşıma ilə məşğul olan sürücülər aşkarlanıb. İctimai nəqliyyatlarda tibbi maskadan istifadə və sosial məsəfayə riayət olunması tələbləri ilə bağlı sürücü və sərnişinlərə xəbərdarlıqlar edilib. Rayondaxili marşrutlarda sıxlığın yaranmaması, sərnişinlər arasında sosial məsafənin qorunması və tibbi maskalardan istifadənin təmin olunması məqsədilə reyd xarakterli tədbirlər davam etdiriləcək.