Sidaad baraha bulshada ku arkeyseenba waxa beryahan ka muuqday oo ka hadlayey Buurmadow isagoo iska dhigaya qof wadaniyadi wado oo Somaliya u jawaabaya. Xaqiiqdiina ay tahay been iyo qiiq uu isku qarinayo. Sababtooo ah;
- Waxaa dhowaan bartiisa Twiteka ku soo qoray Xirsi qoraal reer Smaliland ka yaabiyey oo ahaa in uu Buurmadow dalka soo galayo roog casna loo dhigayo, cid la hadli kartaana aaney jirin.
Hadalkaa uu xirsi soo qoray ayaa shacabka Somaliland aad uga cadhoodeen oo ka fal celiyyen, taasoo ku kaliftay in uu kaartadiisii bedelo.
- Inta caqliga u saaxiibka sida ay wada fahmayso wuxuu Xirsi ka dalbaday Buurmadow in uu luuqada bedelo oo shaqsiyaad Somaliya ah jawaabo hawada u mariyo si shacabka reer Somaliland loogu seexiyo oo ay moodaan in dhab tahay, sidaana uu dalka ku soo galo oo lagu soo dhoweeyo. Ka dibna uu odeyga u isticmaalo dagaalka shaqsiga ah ee uu kula jiro madaxweynaha Muuse Biixi.
- Waxaynu arkeynay Buurmadow oo isku qaadey Wasiirka Arimaha dibeda Fiqi oo uu hadlo kulkulu ku tuuray dhowaan. Isagoo is leh malaha waa ka ay reer Somaliland ugu necebyihiin.
Lakiin Buurmadow waxaanuu fahansanayn in shacabka Somaliland aaney ahayn kuwa hurda ee ay garanayaan 7 bilood inuu aamusnaa oo uu huwanta dhinac kala safnaa. In uu maanta soo hambabaro waa wax lagu qoslo.
- Waxa kaloo la arkayey isagoo u jkawaabay odeygii dhiigyacabka ahaa ee Gala Dagaalka (Garaad Jaamac Cali) oo ay cid waliba ogtahay in uu dagaalkii Laascaanood la bilaabay oo weliba lahaa abtiyaal waad guulaysateen Habalyo.
Hadaba dhaqdhaqaaqa cusub ee uu wado Buurmadow waa mid uu daaha dabadiisa ka hagayo Odeyga gaaban ee habaarkii Siilaanyo qaba waa Xirsiye isagoo doonaya in uu Buurmadow dalka ku soo geliyo si qabyaaladeysan oo iska horkeen beesha habarjeclo iyo Madaxweynaha (Habar Awal) ku saleysan. Waana fidnada iyo munaafaqada ay labadooduba yaqaanaan ee ay ku shaqeysan jireen.
Xukuumada iyo Shacabka Reer Somaliland waxaan ugu baaqayaa in aan loo niixin oo sharciga la horgeeyo hadii uu dalka soo galo Buurmadow , kuwa ku taageeraya qabyaaladana talaabo laga qaado. Waa hubaal in aaney dorasho iyo wanaag u socon ee ay doonayaan meel qas iyo dagaal ka jiro si ay danohooda gaarka ah ee boobka u fushadaan.
Waxa qooray Abifatah Nageye.