Рет қаралды 102,626
PANOORIN: Importante kay chikiting ang maging malusog at masigla, at para mangyari ito, kailangang mailayo siya sa mga sakit-katulad ng tigdas o measles.
Ang measles ay isang airborne infection na mabilis kumalat at makahawa sa pamamagitan ng hangin na inubohan o binahingan ng isang taong may tigdas, at maaaring malanghap ng isang taong hindi protektado laban dito.
Ilan lamang sa maaaring maging kumplikasyong maidulot ng tigdas ay mataas na lagnat, na may kasunod na sipon, pamumula ng mata, ubo, paghihina ng katawan, at pagkakaroon ng mapupulang pantal o “rashes” na nagsisimula sa likod ng tenga at mukha.
Kapag hindi naagapan ay maaari itong humantong sa impeksyon sa tenga, dehydration dahil sa pagtatae o diarrhea, pagkabulag, at pamamaga ng utak o encephalitis na nauuwi sa panghabang buhay na kapansanan, at maaaring magdulot ng malulubhang sakit tulad ng pulmonya. Nakamamatay ang mga ito.
Tandaan: walang gamot laban sa tigdas, at tanging bakuna lamang ang pinakamabisa at ligtas na paraan para maiwasan ito! Abangan ang malawakang pagbabakuna kontra tigdas, rubella at polio sa Regions 3, 4A, NCR, 6, 7 at 8 sa Feb 1-28, 2021. Dalhin ang inyong mga anak sa mga health center o temporary vaccination posts sa takdang schedule ng pagbibigay ng dagdag bakuna.
#LeaveNoChildBehind
#ChikitingLigtas
#VaccinesWork