БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
4 миллионға жуық қазақстандық мемлекет тегін беретін 10 сотық жердің кезегінде тұр. Алдағы 2-3 жылда телім алуға ниет білдіретіндер қатары бұдан да көп болуы мүмкін. Ал бұған жергілікті атқарушы органдар қаншалықты дайын? Осыған дейін қанша азаматқа тегін жер берілді? Ал биылға жоспар қандай? Осы жайында әріптесім Оразай Нұртайұлы жауаптылардан сұрап білген еді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Мемлекеттен жер алуға ниет білдірген адам көп. Бірақ өтініш жолдағандардың саны мен өтініші орындалғандардың арасындағы айырмашылық жер мен көктей. ({4) } Мәселен, Алматы облысы бойынша 1 миллионнан астам азамат кезекте тұр. Бірақ бұл өңірде биыл тегін беретін жер телімі қарастырылмаған. Былтыр да ешкімге берілмеген. Ал өзге өңірлерде жағдай өзгеше.
Жалпы Ауыл шаруашылығы министрлігі жер ресурстарын басқару комитетінің статистикасы бойынша бүгінде 10 сотық жерді тегін беру жағынан Жамбыл облысы көш басында тұр.
Онда былтыр 2243 азамат учаске алған. Биыл 2900 адамға тарату жоспарланған екен. Ал екінші орындағы Атырау облысында 2023-те 1455 адамға тегін жер берілсе осы жылы 1260 учаске дайындалуда. Ал былтыр 1328 азаматты тегін жермен қамтыған Қызылорда облысында биыл 6700 телім беріледі. Алматы қаласына келсек, мұнда былтыр тегін жер алғандар да, қазір кезекте тұрғандар да жоқ. Себебі бос телім жоқ. Учаске таратудан топтың алды болған Жамбыл облысының орталығы Таразда да елге тарататын учаске қалмаған. Алайда өңірде кезекте тұрған 200 мыңнан астам азаматтың жартысынан көбі шаһардан телім алуға өтініш берген екен.
АЙДАР ТАЖИКОВ, Жамбыл облыстық жер қатынастары басқармасы басшысының орынбасары:
- Бос жер учаскелері тек қана инфрақұрылыммен қамтылған жерлер ғана таратылады. Яғни, инфрақұрылыммен қамтылмаса берілуге жатпайды. Сол себеппен бізде 2023 жылы Байзақ ауданында таратылды. Қордай, сондай-ақ Меркі, Тұрар Рысқұловтан, Шу аудандарынан берілді.
Ал жер ресурстарын басқару комитеті өкілдерінің мәлімдеуінше, соңғы 4 жылда 10 сотықтан 56 мыңнан астам жер телімі тегін таратылған. Ал бүгінде кезекте тұрғандар саны 4 миллионға жуықтап барады. Мамандар жұмыстың бұлай баяу жүруінің себебін түсіндірді.
БИБІГҮЛ ЖАБАГИНА, ҚР АШМ жер ресурстарын басқару комитетінің бас сарапшысы:
- Бұл мәселе жер телімінің тапшылығына тікелей байланысты. Екіншіден берілетін учаскелерде әуелі ауыз су, жарық, жол сынды қажетті инфрақұрылымдармен қамтылу қажет. Бұл міндетті шаруа. Оны іске асырмай жатып, аумақтар таратылмауы тиіс.
Айта кетейік, мемлекет тегін беретін 10 сотық жердің кезегіне республикамыздың 18 жасқа толған кез келген азаматы тұра алады. Атыңызда жылжымайтын мүліктің бар-жоғы маңызды емес. Өтінішті 2022 жылдан бастап Егов порталы арқылы беруге мүмкіндік бар. Ол үшін Электронды үкіметтегі тиісті ұяшықтарды ашып, қалаған өңіріңізді таңдап, өтінші жолдайсыз. Ескере кеткен жөн, тегін берілген учаскеге үй салынбайынша алған адам меншік иесі бола алмайды. Әкімдік бекіткен уақытқа дейін ол жерге баспана тұрғызылмаса, телім мемлекетке қайтарылып жер алушыға айыппұл да салынуы бек мүмкін. Айта кетсек, мемлекет биыл 10 сотықтан жалпы 24 мыңнан астам жер учаскесін беруді жоспарлаған. Тегін телімдер биыл Алматы облысында, Солтүстік Қазақстан мен Астана, Алматы, Шымкент қалаларында таратылмайды.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық