Рет қаралды 18,459
Söz: MetaMorf
Beat: Berkay Çandır
Bağlama: Zeki Çiçek
Photo design: MorfDesign
Video edit: X1X1
Mix & Mastering: Akshin Fakhraddinoghlu
Studio: B.M.B
Dəstəyi üçün Kamilbəyliyə təşəkkürlər
Videonun başqa kanallarda paylaşılması qəti qadağandır!
Sözlər:
V 1
Bir yerdə olub bir yerdə bitən
Günlər illərə tay olarmı?
Sənə görə nə qədər bağırsam belə
Susaraq zülmətə toxunardım
Hər gecə səndən qaçan mənəm ama
Qürursuzluğuna şahid olardım
Haqq, ədalət olsaydın əgər
Haqsızlıqlara sığınardım
Mən eyni adam dəyişməmişəm
Necə ki qalmışam 1 il əvvəl
Peşmanlıq kimi bir hiss olmusan
Heyifmiş səninlə keçən o günlər
Kədərli qatarının simfoniyasısan
Düzərəm tellərə sünbüllər
Küskünlük qədər əziz olmuşdun
Susardı artıq bülbüllər
NƏQARƏT
Yağışlar ömrümə yağmış kimi
Bağımda güllər solmuş kimi
Sevdiyi insana sevgi verməyib
Sevdiyi insana tutmuş kini
Sənsizlik eşqə nakam kimi
Bihudə sözlər yazmaq kimi
Həsrəti qəlbimə ötürə bilməyən
Mizrabı tellərə vurmaq kimi
V 2
Başqasına baxıb gülən gözlərin
Qəlbinə həsrətin yolu olsun
Axirətdə yenə qarşıma çıx deyə
Haqqım keçibsə haram olsun
"Sadəcə 1 il" mən olmamışam
Gəl otur danış ki izzahın olsun
Sən demə artıq başqası varmış
Çoxda deyil azca da mənliyin olsun
Hər sətrimi yazarkən artıq
İsdəməsəm belə canım yanar
İstəmirəm mən yalançı sevgini
Saxlama mənimlə özünlə apar
Keçərmi kədər bitərmi aman
Qapanmaz yaram toxunma qanar
Çəkdiyim həsrət bulud olsa əgər
Dünya gün üzünə həsrət qalar
Sözləri tellərə toxumdum sanki
Ömrümü ömrünə adadım sanki
Bilməzdim belə bitəcək bir gün
Yalan bir dünyada yaşadım sanki
Sənsizliyin mən kitabını oxuyub
Şeirini hüsnünə yazdım sanki
Bir vardın bir yoxdun sən
Ömrümə yazılan nağıldı sanki
Artıq heç bir faydası yoxdu
Bir daha sözlərə aldanmaram
Hər dərdimə dərmanım olsan
İnanki mən sənə toxunmaram
Geriyə dönülməz diyardayam
Doğruda olsan inanmaram
Yaşadıqlarımı yaşamayacaqsan
Çünki sənin qədər alçalmaram
Həsrət ruhunun kölgəsi olsun
Qəlbin bağında fırtına qopsun
Güldüyü gün gecə gözləri dolsun
Əlində tutduğu gülləri solsun
Gündüzün gecələrə hüsran aparsın
Qəlbin sevgiyə həsrət qalsın
Xəyal dənizində ki qayığın batsın
Ən gözəl günündə dünyan yansın
Nəfsinə badəmi verdin məni?
Könlümə ən yaxın bildim səni
Cəhənnəm şahidim olsun
Cənnət qədər sevdim səni
Küsən bu qəlbimə tay olaydın kaş
Gecələrimə gələn ay olaydın kaş
Sənə yazılan sözlərim əyyaş
Ömrümə yad deyil yar olaydın kaş
Gözlərimdə qəm əlimdə rəsmin
Xatirələr isyan edərmi?
Sandığın qədər gözəl deyilsən
Səni belə gözəl sevəndə məndim
Boş ver onsuz bitibdi artıq
Yaralarımızı çoxdan sardıq
Bir ömür mənə sarı qaçsan yar
Mən bir addım sənə gəlmərəm artıq
Özümdə peşamanam sənli günlərə
Gecələr şərikdi aylar illərə
Vaxtında neçə şeir yazdım
Qal demədim ama dedim ki getmə
Qatıbmış artıq eşqini zəhərə
Xeyir deyilsən ziyansan ömürə
Mən sənə baxanda hüsran olar yar
Sən "MƏNƏ BAXANDA BİR DAHA GÜL"mə
NƏQARƏT
Yağışlar ömrümə yağmış kimi
Bağımda güllər solmuş kimi
Sevdiyi insana sevgi verməyib
Sevdiyi insana tutmuş kini
Sənsizlik eşqə nakam kimi
Bihudə sözlər yazmaq kimi
Həsrəti qəlbimə ötürə bilməyən
Mizrabı tellərə vurmaq kimi