Рет қаралды 3,892,386
መዝሙር ብ ት/ሰንበት ደ/ግ/መድኃኔ ዓለም ቤተክርስቲያን ገዛባንዳ ኣስመራ
Debre Geezan MedhanieAlem Gezabanda Asmara,
Eritrean Orthodox Tewahdo Mezmur
© Any unauthorized use, copying or distribution is strictly prohibited.
ዓይኒ ማይ ገነት ኢኺ ድንግል፣ ተኽሊ ሕይወተይ ንዘጥለል
መትንታት ልበይ ተመጊቡ፣ እስትንፋስ ድኅነት ተዋሂቡ
ተቐቢለየ በረኸት ጽጌኺ፣ ማርያም ኢለ ንኽውድሰኪ
መድኃኒተ ናሆም ንቑስለይ ፈዋሲት
ዔላ ቅድስና ጽድቂ ኣፈልፋሊት
ውቅያኖስ ኃጢኣት ዝሠግረላ መርከብ
ብኣኺ እበጽሖ ዘዕርፈሉ ወደብ
ዕቤት ክብራ ንመስክር ስቕ ኣይንበል ንዘምር ዕልል ንበል
መሰንቆና ቃኒና ከበሮና ኣልዒልና ማርያም ንበል
ዓይኒ ማይ ገነት .....
ራእየ ሕዝቅኤል ዘይትርሖ ማዕጾ
ንድንግልናኺ ብምንታይ ክገልጾ
ብራና ፍሒቖም ድርሳናት ክደርሱ
ምሳሌ ስኢኖም ኣበው ክውድሱ
ዕቤት ክብራ ንመስክር ስቕ ኣይንበል ንዘምር ዕልል ንበል
መሰንቆና ቃኒና ከበሮና ኣልዒልና ማርያም ንበል
ዓይኒ ማይ ገነት....
ፍጹም ኣይጠምን´የ ስምኪ ኾይኑ ስንቀይ
ከቶ ኣይደክምን ኪዳንኪ´ዩ ኃይለይ
እኔኹ ኣብ ቅድሜኺ ኃሴት ተመሊአ
ክዝምር ከም ዳዊት መሰንቆይ ኣልዒለ
ዕቤት ክብራ ንመስክር ስቕ ኣይንበል ንዘምር ዕልል ንበል
መሰንቆና ቃኒና ከበሮና ኣልዒልና ማርያም ንበል
ዓይኒ ማይ ገነት ኢኺ ድንግል፣ ተኽሊ ሕይወተይ ንዘጥለል
መትንታት ልበይ ተመጊቡ፣ እስትንፋስ ድኅነት ተዋሂቡ
ተቐቢለየ በረኸት ጽጌኺ፣ ማርያም ኢለ ንኽውድሰኪ