Рет қаралды 43,840
الحمد للّي مدنا بأمن وإيمان
وأنعم علينا بالعطاء والمثوبه
قصيدة الشاعر لها جمحة حصان
دقايقٍ بين الرجال محسوبه
أنا آتجوّد في الكفو قدر الإمكان
ولما يكنّه خاطري جيت صوبه
علاقتي ما تسفط الا لأهل شان
اللي بخطّر من نحب محبوبه
ما جيت لجل يقال صح الله لسان
الشاعر اللي بيت شعره عذوبه
جيت أثبت اللي بين يامٍ وقحطان
مراجلٍ تدعى مراجل عروبه
حنّا ويام أخوان وأكثر من إخوان
نهارنا المشرق بعيدٍ غروبه
اسلومنا متفرده تو الأعيان
وفعولنا لحظة غضبنا عقوبه
نقدُر بعضنا بعض في كل الأحيان
بارق تكاتفنا ترادم نصوبه
تسمّعوا بيت القصيده من الآن
واستمتعوا دامه تهيّا وجوبه
أنا آتحدّا يشبه ملهي إنسان
في رفعة أخلاقه وقوّة جنوبه
أبو سلامه ماكنٍ وين ما كان
على المعالي ما يلاقي صعوبه
لا غابوا الغيّاب في المعضله بان
لبس النعم بالفعل لبسه لثوبه
سخاه ما يحتاج شاهد وبرهان
العالم أجمع طيب فعله دروبه
ملهي إسمه للنواميس عنوان
من لا مشى ممشاه يُعلن رسوبه
وأخوه طرجم وقفته ذكرها حان
شجاعته عند الرجال مهيوبه
طرجم لحاله خل ما جا وما كان
من عانده لازم يحسّب ذنوبه
ضربة يمينه ضربة السيف شامان
من هولها كم واحدٍ قال توبه
وحزام فاتح له على الطيب بيبان
منها الكرم دايم يذعذع هبوبه
وسمي أبوه منومسه عند الأعيان
نذكر سلامه بين نوبه ونوبه
شجعان في مجلس نشاما وشجعان
كلٍ بفعل الطيب ما أحدٍ ينوبه
تزاحم الهاجس محبّه وسفطان
للّي مواقيفه ماهي بمحجوبه
هذا إبن قروش راية العرف لاهان
العرف في راسه ماهو في جيوبه
كريم وسنافي وشاعر وصنيان
وحنّا نحبّه من طريقة سلوبه
لو لانت جبال السراوات مالان
فهد فهد كان الرجال اعتزوا به
من حقه يقدّم نغيمش وراكان
ومن حقنا نستر لا أستشهدوا به