Əziz xanımlar, bu dəfəki mövzumuz bir çox xanımı narahat edən mioma haqqındadır. Bəs, doğrudan da, narahatlığa bir əsas varmı? Yoxsa bu problem düşündüyümüz qədər təhlükəli deyilmi?
Öyrənmək üçün videonu izləyin.
Aşağıdakı linklərə daxil olaraq məni digər sosial şəbəkələrdən də izləyə bilərsiniz.
Facebook: / drsevincmehtiyeva
İnstagram: / drsevincmehtiyeva
Salam, əziz izləyicilər. Bu gün mən sizə mioma haqqında ümumi məlumat vermək istəyirəm. Mioma əzələ toxumasının xoşxassəli şişidir. Lakin bəzi qadınlar bu diaqnozu eşitdikdə panikaya düşürlər. Əlbəttə, mioma diaqnozu xoşagələn deyil. Lakin bu xəstəliyin xərçəng xəstəliyi ilə heç bir əlaqəsi yoxdur. Uşaqlığın mioması uşaqlığın əzələ hüceyrəsinin spontan olaraq aktiv bölünməsi nəticəsində əmələ gəlir. Səbəbi müəyyən olunmayıb. Lakin bəzi alimlərin dediyinə görə, estrogen hormonların artıqlığı bu vəziyyəti stimulyasiya edir. 30 yaşından yuxarı qadınların 20%-də mioma aşkarlanır. Onlarda bu, adətən, bir yox, bir neçə düyün şəklində görülür. Miomalar müxtəlif cür olurlar. Onlar ya əzələ qatının tam içində yerləşirlər. Bəziləri əzələ qatından endometriyaya tərəf, daxilə tərəf böyüyürlər. Bəziləri isə əksinə əzələ qatından xaricə tərəf, yəni qarın boşluğuna tərəf inkişaf edirlər. Miomaların səbəbi hormonal dəyişiklik, yəni estrogenlərin artması olduğuna görə onlar gənc qızları və klimakterik dövrə qədəm qoymuş qadınları narahat etmir. Lakin 25-50 yaş arasındakı qadınlarda onun əmələgəlmə faizi yüksəkdir.
Miomaların əmələgəlmə ehtimalı nə zaman yüksək olur? Birinci, qadında irsi meyillilik varsa. Yəni anasında, nənəsində mioma olubsa. İkinci, tsiklda pozğunluq varsa. Üçüncü, uşaqsalma və sonsuzluğu varsa. Dördüncü, maddələr mübadiləsi pozğunluğu, yəni piylənmə və şəkərli diabeti varsa. Sonra çoxsaylı abortlar olubsa. Alimlər belə hesab edirlər ki, stres və miomalar bir-biri ilə əlaqəlidir.
Miomanın əlamətləri nədir? Qadın nə zaman şübhələnməlidir ki, onda mioma var. Əgər onda həddindən artıq çox qanaxma varsa, əgər qadında tsikl pozğunluğu varsa və bir də qadının qarnının altında ağrılar varsa, o şübhələnməlidir ki, məndə mioma ola bilər. Bundan ötrü o mütləq həkimə müraciət etməlidir və diaqnoz qoydurmalıdır. Lakin elə də ola bilir ki, illərlə mioma olur, lakin qadın bunu hiss etmir. Miomanın ağırlaşmaları nə ola bilər? Birinci növbədə qanaxma olduğuna görə qadınlarda anemiya, yəni qanazlığı olur. İkincisi böyümüş miomalar ətraf toxumalara, ətraf orqanlara təsir edərək onların funksiyasını poza bilər. Məsələn, uşaqlığın ön divarında olan miomalar sidik kisəsinə təsir göstərərək sidik ifrazını poza bilər. Uşaqlığın arxa divarında yerləşən miomalar arxada bağırsağa təsir edərək qəbzlik əmələ gətirə bilər. Yaxud ayaqcıq üzərində olan miomalar burularaq kəskin qarın əlamətləri verə bilər. Bu, qusma, ishal, ürəkbulanma, qarında kəskin ağrılar, yüksək temperatur və.s. Bundan başqa, miomalar sonsuzluq verə bilər. Çünki onlar endometriyanın tamlığını poza bilər, implantasiyanı çətinləşdirə bilər. Bir də hamilə qadınlarda miomalar doğuşda problem yarada bilər.
Miomaların diaqnostikası və müalicəsi.
Diaqnozu müəyyən etmək üçün mütləq ildə 1 dəfə qadın müayinə olunmalıdır. Əgər mioma diaqnozu qoyulubsa, onda müalicə pasiyentin yaşına, vəziyyətinə və planına əsasən aparılır. Bu həm medikamentoz, həm də cərrahi yolla ola bilər. Həkim pasiyenti tam müayinə edib anamnez topladıqdan sonra öz sözünü deyəcək.