Озодликнинг шу йил 8 июль куни эълон қилинган президент Шавкат Мирзиёев бошқарувидаги непотизмга оид “Мирзиёевлар амирлиги” деб номланган суриштирувини ҳозиргача биргина KZfaq платформасида 2 миллионга яқин одам кўрди.
Ваҳоланки, суриштирув эълон қилинган илк соатларда видео “муаллифлик ҳуқуқи бузилгани” важидан блоклаб қўйилди.
Канададаги Agency of Internet Rights компанияси суриштирувдан ўрин олган 20 секундлик видеокадр ўз ҳамкорларидан бирига тегишли эканини иддао қилиб KZfaq дан уни блоклашни сўраган.
“Страйк” берилган видеокадр Ўзбекистон президенти матбуот хизматига тегишли бўлиб, президент ва бошқа давлат идоралари тайёрлаган материаллар жамоатчилик мулки ҳисобланади.
Озодлик муаллифлик ҳуқуқи масаласига ойдинлик киритилгунича KZfaq билан боғланиб, видеоматериалда fair use ёки “ҳалол фойдаланиш” қоидалари бузилмаганини исботлаб берди ва видео блокдан чиқарилди. Аммо орадан ярим соат ўтмай, яна айни агентлик айни видеокадрлар учун “страйк” берди.
Видеосуриштирувни иккинчи марта блокдан чиқариш анча вақт олди. Бу орада тармоқлар жунбушга келди; тармоқ фойдаланувчилари видео нима учун блоклангани ва уни қаерда томоша қилиш мумкинлиги ҳақида саволлар бера бошлашди.
10 июль куни Озодлик сўровига жавобан Agency of Internet Rights компанияси раҳбарияти Озодлик контентининг ўзлари томонидан блокланишини “хатолик” деб атади ва видео блокдан чиқарилди.
Озодлик ҳозирда видеонинг блокланиши юзасидан қўшимча текширувлар олиб бормоқда.
Мирзиёев конституциядаги икки муддат ўрнига учинчи муддатга сайланган 9 июль кунги президент сайлови арафасида эълон қилинган суриштирув, Озодликнинг олдинги қатор суриштирувлари каби ижтимоий тармоқларнинг ўзбек сегментини ларзага солди.
Аммо Президент Мирзиёев администрацияси Озодликнинг суриштирув чоп этилишидан олдин йўллаган саволларини ҳам, тармоқ фаолларининг суриштирувдаги фактлар юзасидан расмий изоҳ бериш ҳақидаги чақириқларини ҳам жавобсиз қолдирмоқда.
Озодлик суриштирувлари давом этади. Тармоқларда бизни кузатишда давом этинг! Видеога лайк босинг, фикр билдиринг ва уни дўстларингиз билан бўлишинг!
🔴 t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
Ozodlikning shu yil 8-iyul kuni e’lon qilingan prezident Shavkat Mirziyoyev boshqaruvidagi nepotizmga oid “Mirziyoyevlar amirligi” deb nomlangan surishtiruvini hozirgacha birgina KZfaq platformasida 2 millionga yaqin odam ko‘rdi.
Vaholanki, surishtiruv e’lon qilingan ilk soatlarda video “mualliflik huquqi buzilgani” vajidan bloklab qo‘yildi.
Kanadadagi Agency of Internet Rights kompaniyasi surishtiruvdan o‘rin olgan 20 sekundlik videokadr o‘z hamkorlaridan biriga tegishli ekanini iddao qilib KZfaq dan uni bloklashni so‘ragan.
“Strayk” berilgan videokadr O‘zbekiston prezidenti matbuot xizmatiga tegishli bo‘lib, prezident va boshqa davlat idoralari tayyorlagan materiallar jamoatchilik mulki hisoblanadi.
Ozodlik mualliflik huquqi masalasiga oydinlik kiritilgunicha KZfaq bilan bog‘lanib, videomaterialda fair use yoki “halol foydalanish” qoidalari buzilmaganini isbotlab berdi va video blokdan chiqarildi. Ammo oradan yarim soat o‘tmay, yana ayni agentlik ayni videokadrlar uchun “strayk” berdi.
Videosurishtiruvni ikkinchi marta blokdan chiqarish ancha vaqt oldi. Bu orada tarmoqlar junbushga keldi; tarmoq foydalanuvchilari video nima uchun bloklangani va uni qaerda tomosha qilish mumkinligi haqida savollar bera boshlashdi.
10-iyul kuni Ozodlik so‘roviga javoban Agency of Internet Rights kompaniyasi rahbariyati Ozodlik kontentining o‘zlari tomonidan bloklanishini “xatolik” deb atadi va video blokdan chiqarildi.
Ozodlik hozirda videoning bloklanishi yuzasidan qo‘shimcha tekshiruvlar olib bormoqda.
Mirziyoyev konstitutsiyadagi ikki muddat o‘rniga uchinchi muddatga saylangan 9-iyul kungi prezident saylovi arafasida e’lon qilingan surishtiruv, Ozodlikning oldingi qator surishtiruvlari kabi ijtimoiy tarmoqlarning o‘zbek segmentini larzaga soldi.
Ammo Prezident Mirziyoyev administratsiyasi Ozodlikning surishtiruv chop etilishidan oldin yo‘llagan savollarini ham, tarmoq faollarining surishtiruvdagi faktlar yuzasidan rasmiy izoh berish haqidagi chaqiriqlarini ham javobsiz qoldirmoqda.
Ozodlik surishtiruvlari davom etadi. Tarmoqlarda bizni kuzatishda davom eting! Videoga layk bosing, fikr bildiring va uni do‘stlaringiz bilan bo‘lishing!
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#ozodlik #surishtiruv #mirziyoyev #mirziyoyevlaramirligi #saylov #otabekumarov #oybekumarov #saidamirziyoyeva