ملفي المورقي: مرحبا في محل امكملين اللزوم عزوةٍ طيبها من طيب جدانها قوم ي الحارثي لن كان عندك علوم واتعب السابقه في وسط ميدانها عبدالله العلاوه: البقى ي المرحب عد مبدا النجوم حلة اهل الوفا جينا على شانها تحسب ان العوافي ي العتيبي تدوم مير لن كان تبغى المعركه عانها ملفي: كل يومٍ ويطلع فيه طيرٍ يحوم والقرانيس نعرفها بجنحانها عقب ما الله جمعنا بين ليله ويوم لاتخل العلوم يميل ميزانها العلاوه: انت طيرٍ من الجنحان منت امحروم كل ديره تحوم فوق ضرعانها وسط سوق الخساره مانبيع ونسوم وانت اشوفك تدينها وتدّانها ملفي: اتعجب من الايام واقرد واقوم مابقي من خزاعه غير ورعانها انت توك ولا جربت لدغ السموم والحيايا يشيل السم نيبانها العلاوه: لا تعجب ولا تكثر عليك الهموم من خزاعه ومن اطرف القوم من ربعي يسد اللزوم ماتقوم البيوت الا بعمدانها ملفي: بالوساطه كثير الناس تعطى ختوم والنشامى تحوش الكسب بايمانها يخطي العبد مير الله غفور رحوم يجزي المحسنين موجب احسانها العلاوه: الوساطه عطتكم قسم بين القسوم يشهد الله وناسٍ شافت اعيانها لو تزيد المراجل في يدين الرخوم قدرة الله يا ملفي وسبحانها ملفي: كيف ابمشي على هوني واصلي واصوم والفتن كل يوم ينط شيطانها لو حصل ف الخبر طلبه ولمسة خشوم اجتمع راس مرزوقه وكرعانها العلاوه: ان بغيت النصيحه نوم مافيه نوم اسهر الليل بعبادتك واركانها لو يموت العوي اللي من اول خزوم كان مرزوقه اكلت مال ورعانها ملفي: عقب حالت سنه حملت وولدت بتوم ليت واحد تحطه عند جيرانها ي الله استر عبادك ما سترها الهدوم الدير قدمهم يا وسع بيبانها العلاوه: واحدٍ طير صقر وواحدٍ طير بوم حول نارٍ يغطّ الجو دخانها الله اللي سترك من الحنش والسموم وانت في ديرةٍ حافتك ذيبانها ملفي: شفت عندي وجيه اصحاب ووجيه قوم مير انا اللي قضبت الهجن بارسانها ان بغيت النصيحه فاسترح وامخدوم لاتنوش السلاح غاليةٍ اثمانها العلاوه: تحسب انك رسول وعن خطاك امعصوم دير عينك في ذا الحله وضيفانها

ملفي من اقوى الشعار هيبه وهجوم وخصم عنيد

ارشيف ملفي المورقي ، يطرب مدور الشعر الحقيقي 👌🏻

الوشحاء 27-10-1417 هـ 1- مستور العصيمي وحبيب العازمي kzfaq.info/get/bejne/hKhxa5eBxKmcnZs.html 2- ملفي المورقي وعبد الله العلاوة kzfaq.info/get/bejne/rctlaJOgz6jbd5c.html 3- موال - حبيب العازمي ومصلح الحارثي kzfaq.info/get/bejne/iNJzo6mI1NvHYmw.html 4- موال - ملفي المورقي ومستور العصيمي kzfaq.info/get/bejne/n9Opo9uatbO3f2g.html 5- موال - عبد الله العلاوة وحبيب العازمي kzfaq.info/get/bejne/o8t5obWdts3Ij6M.html

ابدااااعع العلاوه مو طبيعي م شاء الله عليه

عقب حالت سنة حملت وولدت بتوم واحد طير حر وواحد طير بوم شفت عندي وجيه أصحاب ووجيه قوم تحسبنك رسول وعن خطاك معصوم محاورة قمة من الزمان الجميل مكتملة الأركان فتل وننقض

العلاوة شاعر قوي والله يوفقك يابوياسر

ياسلام سلم يعطيك العافيه يابو فهد 👍🏻👍🏻

العلاوة شاعر موهوب وبيوته محكمة

الله يشفيه ويعافيه

هنا الشعر كله

نبي ملفي و مستور و حبيب وملفي نفس الحفله لو ماعليك امر

ملفي مثل صياف كل طال القاف صار اقوي

ملفي سلطة منزله على الشعار

فيه حفله بعدها بأقل من سنه موال العلاوه وملفي

اعطونا محاورات العلاوه الباقيه مع العير والسناني والقرقاح

هل هي نفس الحفلة الي غنى فيها العلاوة مع حبيب

ودي بحبة 👃🏻 خشمك يابو فهد