• საქართველოს პრემიერი აცხადებს, რომ ერთ-ერთმა ევროკომისარმა სატელეფონო საუბრისას გამჭვირვალობის კანონზე ვეტოს დაძლევის შემთხვევაში ევროკავშირიდან მოსალოდნელი ზომების შესახებ გააფრთხილა და ამ კონტექსტში სლოვაკეთის პრემიერზე მომხდარ თავდასხმაზე მიუთითა - მმართველი გუნდი შესაძლო სანქციებზე დასავლეთის გზავნილებს შანტაჟს და მუქარას უწოდებს და ევროკავშირის წარმომადგენლობისგან განმარტებებს ითხოვს
• საფრანგეთის სენატმა უცხოური ჩარევის შესახებ კანონს მხარი დაუჭირა - საფრანგეთი კანონის მიღებას ქვეყნის უსაფრთხოებისთვის აუცილებელ ვალდებულებად და ფრანგული დემოკრატიის განმტკიცების ინსტრუმენტად მიიჩნევს; საქართველოს მმართველი გუნდი ორმაგ სტანდარტებზე საუბრობს, ოპოზიციისთვის კი ფრანგული კანონმდებლობა განსხვავებულად იკითხება; პრეზიდენტ მაკრონის გუნდის წევრი სენატორების მიერ სპეცსამსახურებთან ერთად შემუშავებული კანონპროექტი და კანონში გაწერილი მკაცრი რეგულაციები, თუ სანქციები, რომელიც მათ შორის, ჟურნალისტებსა და მედიაზეც გავრცელდება
• სააკაშვილმა სტრასბურგის სასამართლოში მორიგი დავა წააგო - ადამიანის უფლებათა ევროპულმა სასამართლომ ექს-პრეზიდენტის წინააღმდეგ გელაშვილისა და გირგვლიანის საქმეებზე დამდგარ განაჩენში სამართლიანობის დარღვევის ნიშნები ვერ დაინახა, პოლიტიკური მოტივები გამორიცხა და დაასკვნა, რომ სასამართლო განხილვების დროს ევროპული კონვენციის მუხლები არ დარღვეულა; მმართველი გუნდი აცხადებს, რომ საერთაშორისო სასამართლოს გადაწყვეტილება ქართული მართლმსაჯულების მორიგი აღიარებაა, ვერდიქტით უკმაყოფილო დაცვის მხარე კი გადაწყვეტილების დიდ პალატაში გასაჩივრებას გეგმავს
• საქართველოს რადიო 99 წლისაა - თითქმის საუკუნე პირველი მაუწყებლობიდან, ამიერკავკასიაში პირველი რადიოს ისტორია და მრავალფეროვანი, მუდამ განახლებადი პროგრამა
ეწვიეთ ჩვენს საიტს - 1tv.ge/
მოიწონეთ ჩვენი გვერდი - / 1stchannel.1tv.ge
გამოიწერეთ ჩვენი არხი - / georgianpb
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.