မိုးစပါးအသစ်ပေါ်ချိန် တရုတ်နိုင်ငံသို့ ဆန်နှင့် ဆန်ကွဲ တင်ပို့ရောင်းချမှု ရပ်ဆိုင်းနေသော်လည်း ပြည်တွင်း ဆန်ဈေးကွက်မှာ ဆန်နှင့် စပါးဈေးက အနည်းငယ်မြင့်တက်လာပါတယ်။
တစ်နှစ် ဆန်နှင့် ဆန်ကွဲ တန်ချိန် ၂သန်းကျော်တင်ပို့ရောင်းချနေသော မြန်မာနိုင်ငံအနေဖြင့် တရုတ်နိုင်ငံသို့ နယ စပ် ကုန်သွယ်ရေးဖြင့် ရောင်းချမှုကလည်း အဓိကအခန်းကဏ္ဍကနေ ပါဝင်နေပါတယ်။
မြန်မာနိုင်ငံမှ ပြည်ပဆန်နှင့် ဆန်ကွဲ ရောင်းချမှုစုစုပေါင်းရဲ့ ၄၀ရာခိုင်နှုန်းခန့် ဈေးကွက်ဝေစု ရယူထားတယ့် တရုတ်ဈေးကွက်ကို တင်ပို့ရောင်းချနိုင်မှုမရှိသော်လည်း ပြည်တွင်းနိုင်ငံရေးအခြေအနေနဲ့ တိုင်းနှင့် ပြည်နယ်ဒေသအချို့ မတည်ငြိမ်မှုတွေက ဆန်ဝယ်ယူ စုဆောင်းမှုတွေ တိုးလာတဲ့အတွက် ပြည်တွင်းလက်လီဈေး အနည်းငယ်မြင့်တက်လာတယ်လို့ မြန်မာနိုင်ငံဆန်စပါးအသင်းချုပ် ဒုတိယဥက္ကဌ ဒေါက်တာစိုးထွန်းက ဦးစိုင်းခင်မောင် AMIA -Doh Farmer Digital TV ကိုပြောပါတယ်။