عشان تنجح فى مشروع الحمام اللاحم لابد عدة اسباب
١/ ان يكون بجوارك او فى منطتقتك طبيب بيطرى فاهم فى الحمام او حتى غاوى قديم عنده خبرة ويكون الادوية البيطرية المستوردة عالية الجوده متوفرة عنده
٢/ ان يتوفر عندك المكان الواسع للمشروع بمعنى انك لو هاتبدأ ب ١٠٠ زوج يكون عندك مكان يتسع ل٥٠٠ جوز ويكون المكان مجهز اما بسلاكات او يكون المكان مقسم الى عدة غرف فيها مكان تفرخ فيه ومكان تشبب فيه زغاليل ومكان تعزل فيه المريض
ومكان تضع فيه الحمام الزائد للبيع وكلما كات عدد الغرف اكثر ستجد راحه فى الفرز والبيع حتى ان هناك مزارع عندها غرفة للاناث وغرفة للذكور ودى بتنفع ايام الصيف لما تحب توقف انتاج وتريح الحمام
٣/ ان يكون لديك الخبرة الكافية فى التعامل مع المشاكل وفرز البيض ومتابعة الزغاليل وملاحظة اى مرض مبكرا وعزل المصاب واذا ماكنش عندك الخبرة فلاتبدأ بعدد كبير
٤/ان تشترى حمام من مصادر موثوقة ويفضل تنوع المصادر يعنى ماتشتريش كميه كبيرة من مكان واحد حتى لاتزوج الاخوات لبعض لان تباعد الانساب يعطى مناعة اكثر من زواج الاقارب اللى بيعمل مشاكل مثل العيوب الخلقية
٥/ ادرس السوق جيدا فى المنطقة المجاورة لك بحيث يكون متوفر فيها الكلفة او الحبوب المستخدمة فى التغذيه ومتوفر فيها مثل ماقلنا فى اول سبب طبيب بيطرى يفهم فى الحمام ويكون عنده ادوية بيطرية مستورة واهم شئ التشخيص
واذا امكن يكون للطبيب البيطرى زيارة مرة اسبوعيا
اذا كان العدد كببر يعنى مزرعة كبيرة لابد من توظيف طبيب بيطرى كفائة يكون مشرف ومسئول عن المشروع
٦/ تسويق الحمام اذا كنت ستبيع زغاليل للذبح فيجب عليك اولا ان تتفق مع موردين للفنادق او المطاعم الفاخرة وعليك ان تخرج زغاليل للذلح بعمر معين ووزن كبير بمعنى ان زغاليل الشوى يجب ان بكون عمرها صغير حتى تكون ممتلئة بالدهون تتحمل الشوى عالفحم ويكون وزنها عالى وده لايأتى الا باستخدام تغذيه مناسبة ومكملات غذائية مناسبة
٧/ اذا كنت ستبيع سلالات فى السوق او حتى زغاليل اوشباب يعنى هاتتعامل مع الناس وماحدش يعرفك يجب عليك عمل صفحة للمزرعة ويكون هناك مسئول عن الصفحة والبيع والرد على الناس يجب ان تكون صفحتك مشهورة حتى تبيع الانتاج اولا بأول حتى لو عملت للصفحة اعلان ممول