قنوف
كلمات : محمد الشواطي
alghali_m@
الحان : مقرن الشواطي
Megren55@
تصوير : عبدالرحمن ابراهيم آل علي
abdulrahm_alali@
مونتاج: عبدالله زايد
Abdulleh1@
الكلمات ـ
ياعالم بما تبدي نفوس البشر وتكن
تناجيك نفسٍ لاتعالت ولاعالت
شعتها قنوفٍ مدلهمه رعدها دن
تبجّح بحملٍ تنقله غير ما احتالت
صباحٍ تجلّى في تحاليك ليلٍ جن
عسى اللي ومره يسخره لانفسٍ خالت
مراويح نوٍ من وهايب كريم المن
تهتك وتطرح من على المتن ماشالت
تنزّل برحمة خالقٍ مايخيّب ظن
تداوي نفوسٍ تايقه مدةٍ طالت
يهيّب مطرها كل دوعي خلا ومكن
تساقيهم بموجٍ مدافيقه انهالت
تهدر الشعابه يوم دهم السحاب اركن
تقول انّها من جيز الانهر ليا سالت
وتفيض الفياض بسيلها والنبات يعن
وكنها تحوش بجالها منه ماطالت
والاذواد من مايق زماليقها يرعن
بروكٍ ضحى والشمس فالشرق مازالت
مصاغير للمقهور لاعاينته تحن
ومعاشير لا لد الفحل صوبها شالت
على جالها يازين شبه وصافي بن
بعيدٍ عن الضول وهل القيل وش قالت
اناسه وسجه مع نشامى وضحكة سن
عن الطيب ودروب المشاكيل ما مالت
خَيالٍ من الواقع وقع في هواه الفن
ورسم لوحته بابيات في خاطره جالت
#مقرن
#المطر #حايل #حائل #ثلوج #ثلج #مطر #امطار