ابو محمد ياسر التويجري جعل عمره طويل فعلاً مكانه غير هالاماكن هذي وبيض الله وجهك يبو محمد ونشكرك دائماً أنك صريح ولا تهاب 🫡

أعتقد أن الشاعر الحقيقي يكون تواجده كشاعر في المنصات الأدبية .

بيض الله وجه التويجري كلامه حقيقي

ياسر هامه وقيمه شعريه وصاحب حضور اين كان . وفي النهايه الجبل يضل جبل ولايهمه حصاة الارض اللي تحت ضله . اخوكم من اقحطان

والله ياسر التويجري كبير في عيون الرجال من الناس. مقامه عالى نستمتع دائمآ بقصائده الراقيه اما هذا الظيف اول مره اسمع عنه . لايجب استضافته.كل من هب ودب ينتقد كبار الشعار

ياسر التويجري كلمه حق وقالها ويعطيه العافيه سوق عكاظ كان سوق الادب وكل الشعراء يتجمعون فيه مكان مخصص

والله ان ياسر التويجري شاعر ورجال ويجمل وسعيد مفروض مايعلق على هامه مثل ياسر يعلق على شعراء على قده

بعيدا عن النوايا التويجري قال كلام عقل و مبادئ واذا الاديب و الشاعر و الحكيم لا يقيمون لما عندهم من علم او موهبة تقدير و احترام و يتواجدون في اي مكان بكرة نشوفهم في…

مع اني قحطاني لكن والله ان ياسر التويجري معه حق رجل يعرف مكانه

‏قال رسول الله ﷺ : (مَن صَلَّى عَلَيَّ صَلاةً صَلَّى اللَّهُ عليه بها عَشْرًا) رواه مسلم. ‏اللهم صل وسلم على نبينا محمد ﷺ

ياسر التويجري شاعر كبير و الكبير الله يحسب من شعراء الصف الاول و رجل مشهود له بالفزعة و الرجولة و لا هو من من يحظرون اجتماعات الفنانات و الممثلات

ياسر التويجري معه حق، لان اللي صاير بمعرض العطور مهزلة!

شف ياسر التويجري وسعد علوش مستحيل تشوفهم في اي مكان فقط تشوفهم في سباق الخيل العالمي او مزاين البل او التلفزيون اما حقين السناب لو فتح كوفي تشوفه مسنتر فيه

ياسر التويجري كرزما🔥 شعر 🔥 مرجله 🔥 القاء 🔥 له قبول الادمي مو طبيعي ماشاءالله تبارك الله (هتلر الشعر)( متنبي العصر الحديث )

ومن حق ياسر يمتنع عن ممر السعادة حق الحريم يكفيه فخر انه ظهور ظهور رجال يكفيه قصيدته قدام ولي العهد يعني يابن مانع ماراح تاصل مواصيله

ههه سعيد رد بالرد هذا لانه من ضمن هذا الحدث ف شي بديهي بيقول هالكلام.... صح لسانك يا ياسر😍

النيه محلها القلب لايطلع عليها غير الله سبحانه وتعالى

ياسر شاعر من شعراء السعوديه له وجود على جميع المستويات

لا أعلم أين الشعبوية في كلام ياسر التويجري؟ الشعبوية يا سعيد هي مجاراة الجمهور في كل مكان، بينما ياسر فضل النخبوية عليها وانتقى ظهوره في المحافل التي تليق به بصفته شاعر لا يظهر إلا بالأماكن النخبوية، وليست التي يرتادها عامة الناس والغوغاء. فلذلك كلام ياسر نخبويًا وليس شعبويًا.

ياسر التويجري كبير و يعرف وين يطلع وين يكون ولا يكون مكان فيه قلة الكرامة

سبحان الله الحمد لله لا إله إلا الله الله اكبر لا حول ولا قوة إلا بالله العلي العظيم واستغفره وأتوب إليه

عز الله ان ياسر احترم نفسه وتاريخه وكلنا نعرف وش يقصد ياسر واهنيه على القدحه

يارجال انت انحشرت بعد كلام ياسر لأنك انت دعيت ورحت .. واضح لا تحاول تبرر بالعكس ياسر ماقال الا الحق ونعم الشاعر ونعم الرجل ...

اشكرك يا ياسر التويجري 👍

بيض الله وجه التويجري 👍👍👍👍

بالعكس صدق ياسر لانه شخص متمسك بعاداته وتقاليده ودينه قبل كل شي والشخص الي دعاه يعرف هذي الصفه في ياسر

والله أن التويجري ماأخطأ وقال وجهة نظرة وهي سليمة جداً ، والشعراء مكانهم كبير في الدواوين والملتقيات الأدبيه والندوات والأمسيات والمهرجانات العامه والخاصه التي تمثل الوطن . أما حضورهم مع الفشنستات ومشاهير السوشيال ميديا التافهين في معرض (عطور) فمقامه هو وغيره من الشعراء أكبر ، واللي محتاج فلوس يروح ماعنده مشكله لأن يشوف الموضوع فلوس مو مقام وقيمة أدبية له. بطل ياسر أنت صح 👍👍🌹

يازين النقد مع المودة

جميل الشاعر ان يكون رجل وفحل التويجري قامة شعر وفكر

يقول الاولين ان الرجل يعجبك اول ماتشوفه الين يتكلم فإذا تكلم اما يزيد قدره او ينزل قدره

التويجري كلامه صحيح.

سعيد بن مانع شاعر وله معنى ومقامه في الشعر والأدب والأخلاق ... لربمى كلام ياسر في محله لكن من المفروض ماتكلم بها لانه اساء لكل من راح وحظر واعتبرهم اراذل القوم وهذا عيب كبير

اتفق مع ياسر الشاعر مكانه الفعاليات الادبيه مو معرض عطور و فاشنيستات وناس شخصياتهم تافهه شاعر و اديب و اخرتها يعلن عطور 😂😂😂💔 معليش ياسر التويجر بذي صدق

انا اتفق 100% مع كلام سعيد بن مانع وتحديدا جملة هذي لعبات ياسر ، وهذا يدل انه فاهم ياسر تماما ياسر التويجري مهووس بالاعلام وحب الظهور ولاهمه لا ادبيات ولا نضال ولا انتقاء ولا كلام فاضي ، هو بس حب انه بعمل شو وسعيد بن مانع فاهمه😂

ماشاء الله كل ااتعليقات من صالح التويجري وفعلا كلام ياسر صحيح مايحضر معرض العطور اللا التافهين

يااخي يجي شخص يقول اقدره واحترمه ويجلده زمن💨💨💨💨

اتفق مع ياسر للشعراء مكانتهم خاصة لما يكونوا بحجم ياسر 👌

سعيد بن مانع متواجد بكل الاماكن والفرق شتان

سبحان الله وبحمده سبحان الله العظيم

الحقيقه دائماً مؤلمه يا مانع .. وياسر ذكر الحقيقه

ماتوقعت رده محكم زي كذا. رغم مآخذي على بن مانع لكن صدق بوصف التويجري " بياع الكلام".

سعيد كبير جدا مايقارن بشعر هذا الى اسمه التويجري الفرق كبير

نزلو الحلقه كامله من الي فاضي يشوف حلقه مجزئه

الله يرحم أيام سعود بن عبدالله والسامر ماعاد غير الوراعين

صدق في وصفه

والله انه صادق ياسر ، من نكد الدنيا على العزيز يتم دعوة مهرج سناب يصور يوميات ويدعي الكوميدياء وفي نفس الوقت يقف مع شعراء وواجهة ادبية للمنطقة مثل الشعراء

لكل مقام مقال من حقه يختار الظهور الأنسب اللائق فيه ورد فعل الشاعر لن يقطع رزق و فرصة حضور الشعار

لا والله ان ياسر صادق ونعم الرجال ما قبل دعوة جاته وهو عارف انها جايه لرهف القحطاني ومشاهير الدجة ياسر اكبر من كذا وهذا ماهو مكانه وكل شخص يختار مكانه اللي يشوف نفسه فيه وهذا حق لأي شخص

ياسلام

حسسني ان الشاعر نبي ولا ملك منزل من السماء ترا الشاعر انسان عادي واذا راح مهرجان العطور شالمشكلة .. داء العظمة عند بعض الناس وتجي تناظر فيه تجد انه شخص اقل من عادي يالله لك الحمد بس

وفيت وكفيت يا افضل شاعر ياسر التويجري دعست التوافه

ياسر صادق وصريح كفو 👍

ياسر التويجري رجل ويعرف قدره

أذكر الله ياعبدالله وصل على النبي

هل يوجد احد يعرف قصايد سعيد بن مانع اصلاً مع اني قحطاني بس والله لا نعرفك ولا نعرف قصايدك اما ياسر التويجري شاعر يعرفه الكبير والصغير

اللي يتواجد في كل مكان شاعر يمكن ولكن ك رجل !! مستحيل يقبل على نفسه

تخيل معي بس عشان اوضحى لك بلغتنا العاميه " ( انت رجل وسمعتك طيبه وعلومك غانمه وتجيك دعوة بمكان كله حريم وتفصخ ) هل تقبل ؟؟؟؟ فهمت الحين ليش ياسر رفض يروح للاماكن هذي ؟ لانه هو رجل ويخاف على سمعته اما انت ياسعيد لا ✅👍🏼

معه حق رجال امتنع عن مكان اجتمع فيه ساقطات الشهرة ومخابيل الشهرة وتروح وله وتقول اساء لك فعلا الشغلة انتقائية

ياسر التويجري شاااااعر كبييييير ويعرف مقامه زين

لازم يبرر بن مانع لأنه راح مع الحريم وفاتته مانتبه إلا يوم شاف ياسر جلدهم

لم يوفق الشاعر سعيد بن مانع في الرد الشاعر ليس مبتذل ويسعى خلف المال في كل المحافل يبقى الشاعر الكبير له مكانته وين يتواجد

كبيييير يالتويجري 👍🏻

ياسر التويجري بعد كلام بدر اللامي عنه عز الله العزيز انه كبير بعيون كثير من الناس رغم اني كنت انظر لرجل هذا بعين اعتقد انه كانت بعيده عن سريرة التويجري

بالعكس صادق ياسر وش دخل شعبوي

تعلم الكلام ثم احكم على الشعار، لا تنسى انك قبل فتره مصور التويجري في سنابك عشان تزداد المشاهدات عندك

القبول من االله

سعيد بن مانع الحلاقة ذي ما غيرها الشعراء الصغار ياخذ قوة من داخلة ومن الخارج اكثر واذا القوة الخارجية مثل الرنج والحلاقة والقروبات حقت السناب اللي نشوفها وكلن جوالة ف يدة تصوير يوميات تمثيل واذا حس انه زودها راحوا اقرب دولة عشان يصور ويغير المحتوي

الشاعر لا ينسى أنه ١. مسلم ٢.رجل والرجل المسلم لابد تكون عنده مبادئ واضحة ما يحضر ايفنتات وحفلات اللي تجمع المتردية والنطيحة من المشهورين والمشهورات انت بهذا الشكل تنزل من نفسك وتساهم في فساد المجتمع

رأي ياسر ✔️ 😅 رأي سعيد ✖️😑

الا والله شبعت

سعيد بن مانع متى صار شاعر اصلا! ومتى صار يقيم بن فطيس والتويجري الدنيا هذي مالها امان

وين قصيدة قيادة المرأة للسيارة الكمال لله وحده والباقي يخطئ ويصيب

ما كذب التويجري كلامه صح

التعليق كان عن الحفل حق شاي خدير أتوقع

اتمنى من الاخ علي العلياني..... يختار ناس حتى لو انتقدوا نتقبل منهم اما سعيد بن مانع من هو حتى يقيم الشعراء

نضال هههههههههههه وخروجك في برنامج مذيعة في أم بي سي عادي ، دخول تروح مهرجان عطور يصيرلك ممر شي معيب هههههههههههه

سبحان الله يوم تشوف بعض المشاهير من شعراء ولاعبين ومقدّمين وووإلخ ! تستغرب حضورهم وظهورهم بهذا الكم السخيف .. أشهد إن وسائل التواصل أظهرت مافي بطونهم وعقولهم

والله من يوم شفتك تتكلم عن ابن فطيس اني غسلت يدي ياسر التويجري تكلم كلام عقلاني شاعر فحل

ممر السعادة في مهرجان العطور كان يرفع الضغط صدق

هناك فرق بين الاثنين. هذا يتمنى أن يظهر حتى في حراج الطيور. ياسر التويجري انتقائي لأنه من النخبة

يعجبني العلياني ومذيعي روتانا الشباب السعوديين نسيت اسماءهم تحس انهم نواياهم صافيه ويقول الحق على طول عطاه في وجهه ياسر محد تجاوزه 😂😂

اجل كلام شعبوي يبن مانع ههههه ولا لأنك حضرت في هاذي المواقع الرخيصه صرت تهاجم كلام ياسر الحقيقه ان كلام ياسر التويجري يدل على أن الشاعر عارف قيمه نفسه وعارف وين ومتى يضهر ورأيي ان ياسر التويجري وناصر الفراعنه شاعرين لايشق لهم غبار ودائما تشاهدهم يضهرون في اماكن تليقم بهم إلا الأمام ياياسر

كل شخص فيهم ويرى نفسه في المقام المناسب له ، ياسر كلامه واضح ومقصده واضح ، أنه بعد سنين من النضال الأدبي والخطابات الأدبية والثقافة اللي يجمعها وتعبان عليها ، يعتقد إن الناس وصلت لمرحلة قناعة أن ياسر شخصية أدبية رفيعة لا تدعى الا لمنصات رفيعة الذوق ولا يدعى معه الا شخصيات مؤثرة بالبلد ، على عكس من دعو معه في تلك اللحظة ، وهم طقة فوز الفهد .. اما على الجانب الاخر المتملق هذا المدعو سعيد: ف انا متاكد من أنه يحب الظهور مع هذه الاشكال فوز ومن هم على شاكلتها من مشاهير الفلس واعتقد انه هو من دعى ياسر لذلك يدافع عن نفسه وعن ضياعه .

وين عبدالله بن شايق وين رشيد الزلامي معاد عندنا الشعراء البرستيج والموضه ضروري احضر معرض عطور وش بقول قصيده ولا يتسول يسوي اعلان اخر من بقى من شعراء الزمن الجميل تركي الميزاني

طيب يا سعيد هل من مقام الشاعر انه يحضر الميدل بست مثل ما حضرت انت

ي جماعه صلو على النبي …

ياسر وحمد السعيد ومن هم نفس المكانة عايش حياتة بدون تمثيل في السناب واذا طلع ينتقد بدون زعل الطرف الثاني اما ورعان امس كنهم طلاب مدارس انا الاول انا البيرق هو ما يستاهل ما تاخذ شي الا اذا انت تستحق

والله ياسر صادق ياسر هامه ومعروف والله إنك ياسعيد تخبط ولاتدري الشعر له مكانه ومنصاته معروفه ما هو في كل مكان

ياسر التويجري صادق في كلامه

العلياني يدور الفتن بين الناس وفي رمضان الله المستعان

صادق مايمشي على لمكان ذي الا لناقص

التويجري فطحل شعر ولاهو بياع كلام انت تقول ابن فطيس ما يستاهل البيرق وياسر بياع كلام وانت وش تصنف نفسك؟

برامج واشخاص ، تعمل على تتفيه المجمتع . وبرامج تاااااافه جدا ياخسارة الكهرباء . ورحم الله البردوني وادريس جماع و بدر شاكر السياب وغازي القصيبي

التويجري شبعان فلوس وسعيد محتاج فلوس طبيعي اي دعوة فيها دراهم يروح

عفوا من انت

اثري بن مانع جايب العيد ومسوق لنفسه على حساب الشعار 😂

اسمع يا سعيد اما الذهب مايختلط بالنحاس الشعر ما يقال عند أسواق العطور له مكانته وله حضوره وجمهوره يمكن انت ما عندك مشكله تحط نفسك في اي مكان لكن غيرك لا هداك الله... ايش العلمنه اللي داخل فيها

صادق ياسر معرض العطور قمه قلة الادب والسخافه والانحلال

ماحالفك الحظ في ردك ياسعيد لو انك قلت هاذا رأي ياسر في نفسه

معارض العطور بإختصار " تعالوا ياغالبية مشاهير الصدف وهاتوا جوالاتكم معكم " المعروف لايعرف ويعرف أن يكون تواجده ، الإستغلال الفاضح له اهله ومن بهرول له وهو يعلم أنه مستغل ..