ابد يشرفني ☺️ طال عمرك ، و تحت امرك في كل وقت 💐

الدفع الخلفي احسن واريح للسيارة والركاب واقل خربات

الي اقصده طال عمرك انه السيارة هذي لو خذيتها دبل قير راح تصير مشروع ناااااجح بحيث انك تعدل عليها و تسوي فيها الي تبي من ناحية البر او الجر للبحر

لان للاسف الي سامع مكينته ما يبدل زيت بالوكالة او على الاقل الزيت الموصى فيه من المصنع و رقمه و تركيبته

@@cars965زيت الوكاله خايس جداً جداً احلى زيت بدلته لتاهو ودوج ووانيت سييرا هو كاسترول ماجنتك صج جبار ولاعمري سمعت صوت تكايات وحتى لو فيه يختفي بعد ماتعبي هالزيت بعد ممشى ٧٠٠كيلو

خبرك عتيج ، الدنيا تغير و التاهو و اليوكن صاروا افضل من قبل نتيجة لحدت المنافسة بين المنافسين خاصة في موضوع المتانة صاروا افضل من قبل ، و احلى مافيهم انهم سيارات معمرة لكن حق الي يعرف يدير باله عليهم و يحافظ . و الجي ام عموماً اذا حافظت عليه اول باول راح يحافظ على مصروفك زائد انك راح تحصل على راحة ما بعدها راحة لو لفيت في كل السيارات مثل ركوب الامريكي بالخطوط و المدن .

معلوماتك مع احترامي الشديد مغلوطة و فيها سوء فهم لأن يعتمد على حسب طريقة اهتمام كل عميل مع سيارته ، خاصة انه المكاين الجديدة أصبحت لها زيوت معينة للتبديل بمعنى انه المحركات القديمة من موديلات ٢٠٠٧ لغاية ٢٠١٤ لزوجت الزيت ٥/٣٠ بينما من ٢٠١٥ لغاية الوقت الحالي الزيوت هي ٢٠/٠ . فيجونك ناس ما يعرفون في السيارات و ما يشتغلون بالوكالة و يقولك بدل زيت ٥٠٠٠ او ١٠٠٠٠ برااا بدون ما يكون عنده علم برقم الزيت الصحيح و بالتالي تودع مكاينهم و يحطون اللوم على الشركة بدون ما ينظرون الى الأسباب خاصة بأن المكاين الجديدة تصميمها مختلف و بالأجزاء من حيث ممرات الزيت و طريقة التزييت ، و منظومة التشغيل لنظام CDS تشتغل بشكل انسيابي مع ضغط الزيت و درجة حرارته و لزوجته حتى يتم عمل النظام و حمايته بصورة كاملة دون مشاكل و محد اشتكى من سيارته بسبب هذا النظام ، اليوكن و التاهو من موديلات ٢٠٠٧ مازال يمشي بالشارع و اصحاب و ملاك هذي السيارات اعرفهم مازالت عايشة عندهم من يوم ما خذوها من الوكالة . الشي الثاني شوف الموديلات القديمة مازالت تمشي و اعرفلي ناس شخصياً عندهم هالسيارات و محد اشتكى منهم و عندي صاحب جمس يوكن ألي نزلت الفيديو عنه عندي القناة و الموتر ماشي مٓـا شَــاءَ اللَّهُ تبارك الرحمن فوق ٣٥٠ ألف و لا اشتكى من الخرابيط الي يقولون عنهاااا لأن الرجال ما يبدل زيت إلا بالوكالة و يباشر موضوع الصيانة الدورية اول بأول و هذا طبيعي لأن حتى لو كان عندك موتر جديد اكيد انك بتمشي في جدوله الدوري للصيانة في الوكالة. على موضوع الإلكترونيات :- اي شي تدخله على كهربة السيارة بدون ما يكون شغله صحيح اكيد انها بضرب و اذا كان شغلك و اكسسواراتك بالوكالة فطبيعي انها تكون تمديد وكالة و حتى لو ركبت شاشة عندهم يكفي انهم عارفين شغلهم بدون ما تروح حق احد يلعب في كهربة السيارة و بالتالي تودع كهربتك . آخر شي و هو طاري الهوندا :- للأسف أغلب ملاك الهوندا ما يتقيد في نظام الصيانة الدورية للسيارة بمعنى انه السبب الرئيسي وراء الأعطال الميكانيكية هي تأخر في عملية السيرفس ميجر الكبير و الي يكون من ضمنها تبديل البلاكات و تنظيف الدعسة و تنظيف البخاخات مع شد او تبديل زنجيل الصدر اذا كان ربل . اذا حاب تعرف اكثر عن هذا الموضوع تواصل معاي بالسناب و راح اعطيك عدت امثله حية من ملاك هوندا و اخليك تتواصل معاهم و تسأل و تشوف بنفسك 👌 ((( الهوووونداااا سيارة معمرة و جودة لو مهما سويت مستحييييل تخرب الا اذا كان راعيها لاااا يفقه شي بالمرة )))

@@cars965 يا غالي .. أنا مالي شغل بربعنا اللي ما يهتمون بنوع الزيوت و جودتها .. هذول هم اللي دمروا مكاين اللاند الجديد بسبب ثقافه قديمه خاطئه أنا أكلمك عن اللي أشوفه من الأمريكان و كلام بعض المكانيكيه الأمريكان ،، بحكم أن انجليزيتي تساعدني .. كنت من قريب أشوف راعي معرض سيارات مستعمله ( أمريكي ) .. يقول أول شي تسويه بسيارات الجي أم عموما أنك تلغي نظام الدي او دي ، هو بنفسه كان يشتري سيارات ممشاها قليل و لها تاريخ صيانه دوريه موثقه و تطق عليه المكاين بسبة نظام الدي او دي .. المشكله مشهوره و معروفه اللي تلقى في منتديات الأمريكان للجي ام عموما مواضيع لناس تنصحك بأن تلغي هذا النظام و تتلاحق على موترك .. لدرجة أنهم يسمونه هذا النظام بالقنبله الموقوته .. حتى الهوندا .. ميكانيكي مشهور ، يقول ما عمري مرت علي مكينه هوندا فيها نظام اطفاء سلندرات ماشيه ٢٠٠ الف الا وهي فيها صرفيه بسبب التآكل اللي تسبب به هذا النظام ، ميكانيكي يعني شايف السن قال بس ، و راجع منتديات الهوندا و شوف النصايح بالغاء هذا النظام .. مكاين الهوندا جباره و اعتماديتها مثل اذا مو اقوى من التيوتا ، لكن هذا النظام بحد ذاته يخرب المكاين .. و شي مشهور جدا جدا بأمريكا و يحذر منه الميكانيكيه و ينفرون منه أصلا .. اذا كم واحد سلم بموتره ، مو يعني أن النظام خالي من العيوب و انه ما يدمر مكاين .. هذا الأمر مشهور جدا جدا بأمريكا ، اللي خلا كثير من الأمريكان يتركون هذي السيارات من خوفهم انها ما تعمر معاهم .. و مسألة خراب الالكترونيات معروف عند الأمريكان نفسهم و هم يعرفون جودة الكترونيات الجي أم و يسمونها خرده ( كاربج ) .. ما مر علي أحد الا و قال ان جودتها سيئه وما تعمر نهائي .. بدون ما تتعبث و تلعب فيه .. تجيك الخرابات من سوء التصنيع و رداءة الجودة .. اليوم تقدر تشتري موديلات ٢٠٠٦ و نازل ، ماشي ٢٥٠ و تعرف فيه باقي عمر ، وتقدر تجدد فيه ، و ما تقدر تسوي هالشي مع موديلات ٢٠١٥ .. الالكترونيات راح تطلع روحك خرابات و تستهلكك ماديا ..

@mohalostath أنا مصدقك و فاهم شنو الي تقصده بالضبط و لكن حط بالحسبان عدت أمور مهمة لازم كل شخص فينا يعرف هذا الشيء و الي من ضمنها العمر الإفتراضي في كل قطعة بالسيارة أغلب شركات السيارات عندها هذي السياسة و الي تضع لعمر السيارة بوجه عام فمثلاً عندك معامل الإحتكاك و النسبة المئوية له طبعاً تحت عدت ظروف فالغالب مع الكيلومترات الكثيرة تكون السيارة قد اخذت كفايتها من الاستعمال ( طبعا اكلمك عن عداد ماشي ٤٢٠ الف و فوق ) فمن الطبيعي بأن تحصل معاها هذي المشاكل خاصة و هذا الشي متعمد لانه واجب ايضا صيانته و التشييك عليه . و بخصوص النظام قد يكون له عيوب فعشان جذي وضعوا خطة للصيانة شعان يتفادون مشاكله و لكن اذا عرفت كيف تحافظ فانشاء الله ماراح تصادفك مشاكل مستقبلاااا و ملاك السيارات في المنتديات قد يكون منهم من شرى سيارة و صادفته هذي المشاكل و قد يكون منهم من اشترى السيارة مستعملة ، فبالنهاية لازم نحط في الحسبان امور لها شغل بالقطع الاستهلاكية و امور لها بالصيانة دورية و امور ( اوفرهول للمكينة) تجديد عشان تمشي معاك لانه ايضا هذا الشي مطلوب و حتى المصنع ذكر هذا الشي في كتيب المالك .

صادق والله من ناحية غلاء الأسعار أجبرت الناس تتجه إلى الصيني

نظام تعطيل السلندرات او انظمة تقييد المحركات هيا اجبارية من منظمة البيئة العالمية والشركات كرهانة ومجبورة عليها. وكذلك قيور السي في تي والثمان نمر والعشر نمر كلها اجبارية.

ليييش من اي ناحية؟

التصميم الجديد اهو ويوكن وكادليلاك خصوصا من الجنب والخلف الاقدم منه شكله متناسق ومرتب هذا ذكرني شكله اب درانقو ممكن إذا كان فل اوبشن مع رنقات الكبار يكون شكليا مقبول

الجمس 2024 تصميمه اجمل بكثير من الشيفروليه فعلا واجهتها بشعة جدا .... أجمل تصميم هو 1992 1999