Տասն օր առաջ բանակ զորակոչված Մհեր Հարությունյանի ընտանիքում ավանդական խնջույքի սեղանի շուրջ չեն հավաքվել: Զորակոչից հետո հոգեբուժական դիսպանսերում գրանցված 18-ամյա երիտասարդի մայրը ավելի մեծ համառությամբ է շարունակել դիմում-բողոքներ հղել տարբեր գերատեսչությունների՝ պնդելով՝ հիվանդ որդին ուղղակի չի կարող ծառայել։ Բանակ գնալուց մի քանի օր անց նորակոչիկին Ստեփանակերտի հոսպիտալ են տեղափոխել՝ ինքնազգացողության վատացման պատճառով: