Бисмиллаҳир- Роҳманир-Роҳийм
Қиёмат кунигача Қуръони Каримни сақлашни Ӯз зиммасига олиб, бандаларига каломини тартил билан тиловат қилишга буюрган Аллоҳ таолога битмас- туганмас ҳамду санолар бўлсин.
"Сизларнинг яхшиларингиз Қуръонни таълим олиб, таълим берганларингиздир", деган суюкли
Набийимиз Муҳаммад Мустафо соллаллоҳу алайҳи васалламга ва у кишининг оила аъзолари ва асҳоблари ва ҳамда уларга эргашганларга саловот ва саломлар бўлсин.
Қуръони Каримни тажвид ва тартил билан ӯқишимизга устозлик қилган барча аҳли илмлардан Аллоҳ таолонинг Ӯзи рози бӯлсин.
Шундай устозларимиздан бири шайх Алижон қори қиблагоҳлари
Файзуллоҳ Махдум бобонинг ташаббуслари билан (Аллоҳ ул кишини Ӯз раҳматига олсин) ҳамда ўзларининг Қуръонга бўлган чексиз муҳаббатлари ила Ал-Азҳар университетига ўқишга келиб, бугунги кунда шу университетнинг етакчи мутахассисларидан бири даражасига эришганлар.
Алижон қори асли Ӯзбекистоннинг Жиззах вилоятида туғилганлар.
Йигирма икки йилдан кўпроқ вақт мобайнида Қуръон таълимини олиб, таълим бериш йўлида юриб, шу билан биргаликда, кўпгина шайхларидан Қуръон таълимини олиб, Пайғамбар алайҳиссаломдан етиб келган ўн хил қироат соҳиби даражасига эришганлар.
Устозимиз шайх Алижон қори бизга "Муаллим Ас-Сoний" ва "Азхария" китоблари асосида ӯз услубларида таълим бериб келаяптилар.
Бу усулда таълим бераётган шогирдлари Ўрта Осиё, МДҲ ва Европанинг бир қанча давлатларида ҳам фаолият олиб боряптилар. Масалан, Германия , Голландия, Франсия мамлакатларида мана шу китоблардан устозимизнинг ўзига хос услублари асосида таълим бериб келинмоқда.
Қуръони Каримнинг чин мухлислари бӯлган кӯпчилик илм толибларининг илтимосига кӯра, Қуръони Каримни тўғри ва тажвидга мувофиқ ўқишларига ёрдам бӯлишини умид қилиб, "Муаллим Ас-Соний" китобидан устозимиз ўқиган аудио форматдаги дарсликларини ижтимоий тармоқ орқали сиз азизларнинг эътиборингизга ҳавола этмоқчимиз.
Аллоҳ таолодан савоб ва мукофот умид қилган ҳолда, барчамизга ўзининг каломини тўғри талаффуз билан ўқишни насиб этишини сўраймиз .
Аллоҳим устозимизни ва оила аъзоларини Ӯзи ҳифзу ҳимоясида сақласин, яна кўп йиллар дин хизматида бардавом қилсин, деб дуолар қиламиз. Устозимизнинг таржимаи ҳоллари ҳақида батафсил маълумот олишни хоҳлаганларга www.Azharia.com сайтига киришларини тавсия қиламиз .