အားလုံးပဲမင်္ဂလာပါ....MRTV Travelogue အနေနဲ့ ပရိတ်သတ်ကြီးကို နောက်ထပ်တစ်နေရာအနေနဲ့ ခေါ်သွားမယ့်နေရာဒေသကတော့ သမိုင်းထဲကမင်းကွန်းလို့ တင်စားရလောက်တဲ့ မင်းကွန်းဒေသကို ခေါ်သွားချင်ပါတယ်။ မင်းကွန်းဒေသဆိုတာကတော့ ပရိတ်သတ်တွေလည်း သိထားတဲ့အတိုင်း မြန်မာနိုင်ငံရဲ့ထင်ရှားကျော်ကြားပြီး ကမ္ဘာ့အလယ်မှာပါ ဂုဏ်ယူစရာကောင်းတဲ့အရာတွေ ရှိနေတဲ့ လေ့လာလည်ပတ်ချင်စရာနေရာ တစ်နေရာပဲဖြစ်ပါတယ်။ ပြည်တွင်းပြည်ပခရီးသွားဧည့်သည်တွေနဲ့ အမြဲလိုလိုစည်ကားနေတဲ့ မင်းကွန်းဒေသကို MRTV Travelogue နဲ့အတူတူ လေ့လာလည်ပတ်ကြမယ်နော်။ ဒီအပိုင်း(၄) မှာကတော့ မင်းကွန်းကျေးရွာက လူနေမှုဘဝတစ်စိတ်ဒေသကို လေ့လာသွားမှာဖြစ်သလို သူတို့တွေရဲ့စားဝတ်နေရေးအတွက် ဘာတွေကို လုပ်ကိုင်ဆောင်ရွက်သလဲဆိုတာတွေ လေ့လာသွားပါမယ်။ လေ့လာလည်ပတ်ချင်စရာ သမိုင်းကြောင်းနောက်ခံနေရာတွေ၊ စိတ်ဝင်စားစရာကောင်းတဲ့ ဒေသခံတွေရဲ့ မိရိုးဖလာလုပ်ငန်းတွေ၊ ရိုးသားဖော်ရွေကြတဲ့ဒေသခံတွေနဲ့ လည်ပတ်ချင်စရာမြို့လေးဖြစ်တဲ့ ဒေသတစ်ခုပါ။
လေ့လာစရာတွေပေါများလှတဲ့ မင်းကွန်းဒေသဟာ သမိုင်းရာဇဝင်တွေကို ဖော်ထုတ်ဖို့အကောင်းဆုံးနေရာလို့ ပြောရင်မှားမယ်မထင်ဘူးနော်။ ကဲ အဲဒီတော့ ဒီအစီအစဉ်တွေကို ကြည့်ရှုပြီး ပရိတ်သတ်တွေအနေနဲ့လည်း မင်းကွန်းဒေသရောက်ပြီဆိုရင် ဘယ်နေရာတွေကိုသွားရောက်လေ့လာလည်ပတ်သင့်သလဲဆိုတာ သိရှိသွားကြလိမ့်မယ်လို့ မျှော်လင့်မိပါတယ်။
ပရိတ်သတ်များအားလုံး စိတ်လက်အပန်းပြေစေပြီး ဗဟုသုတတွေ တိုးပွားရရှိကြပါစေ...