Рет қаралды 42,146
ကရင်ပြည်နယ်ရှိ ဂဠုန်စစ်ကြောင်း သင်တန်းဆင်းပွဲ တအာင်းတပ် TNLA တက်ရောက်
…………..
အမျိုးသားညီညွတ်ရေးအစိုးရ NUG ကွပ်ကဲမှုအောက်ရှိ အမှတ်(၂) စစ်ဒေသ၊ စစ်ဒေသခွဲ(၃)၊ တောင်ပိုင်းတိုင်း ပြည်သူ့ကာကွယ်ရေးတပ်မတော်၊ ဂဠုန်စစ်ကြောင်းမှ အခြေခံစစ်ပညာသင်တန်းဆင်းပွဲတစ်ခုကို ကရင်ပြည်နယ် တောတွင်းတစ်နေရာ၌ ယမန်နေ့(ဇူလိုင် ၁၄)က ကျင်းပခဲ့သည်။
ဂဠုန်စစ်ကြောင်းက ဦးစီးသည့် အဆိုပါ သင်တန်းဆင်းပွဲသည် အပတ်စဉ်(၅) ဖြစ်ပြီး၊ သင်တန်းကာလ ၃လခန့် ကြာမြင့်ကြောင်း သိရသည်။
ကရင်ပြည်နယ်၊ ဒူးပလာယာခရိုင်၊ ကျုံဒိုးမြို့နယ်၊ တပ်မဟာ(၆)တွင် ပြုလုပ်ခဲ့သည့် အဆိုပါ သင်တန်းဆင်းပွဲသို့ မွန်ပြည်သစ်ပါတီ(NMSP-AD) မှ ဗိုလ်မှူးကြီး နိုင်အိမ့်ချမ်း၊ ပလောင်ပြည်နယ်လွတ်မြောက်ရေးတပ်ဦး (PSLF) / တအာင်းတပ်မတော် (TNLA) မှ ဗိုလ်မှူးကြီး တာဆငည်းလေး၊ ကရင်အမျိုးသားကာကွယ်ရေးအဖွဲ့(KNDO) တပ်ရင်း (၆)မှ တပ်ရင်းမှူး မန်းဂျော်နီနှင့် ဂဠုန်စစ်ကြောင်း တပ်ရင်းအမှတ် (၉၉၀၈)မှ ဒုစစ်ကြောင်းမှူး စိုးဝင်း တို့ တက်ရောက်ပြီး မိန့်ခွန်းပြောခဲ့သည်။
ရုပ်သံ - ဂဠုန်စစ်ကြောင်း