GALAN BAR Däli könlüm, ýör! gideli watana, Anda saňa gözi ýolda galan bar; Kasyt gerek bu ýollarda ýörmäne, Näzli ýaryň ülkesinde talaň bar. Ajalym ýetişip, peýmanam doldy, Gül meňzim sargaryp bihuda soldy, Diýdiler: «söwdügiň ýary ýat oldy», Diýdi belki ýedi ýatdan gelen bar. Gülüm-gülüm, meni eýlediň gülünji, Ýüz agladym, bir şat olup gülinçe, El götermen eteginde ölinçe, Meger bizi ýardan aýra salan bar. Aşyk Hemra, giriftardyr özüne! Köýdi bagrym, kebap boldy ýüzüne, Ynanmanam ykraryna, sözüne, Biykrar sen, ykrarynda ýalan bar