Н.Жанцанноров - цагаан суварга Nо.1 (сэтгэлд сүндэрлэх суварга)
Нацагийн Жанцанноров
Монгол улсын Ардын жүжигчин, Төрийн хошой шагналт
Өвөрхангай аймгийн Өлзийт суманд 1948 оны 3 дугаар сарын 25-нд төржээ.
10 жилийн сурагч байхдаа баянхуур тоглож, бас уртын дуу дуулдаг байжээ.
Улаанбаатар хотод Багш нарыг бэлтгэх сургуулийн хөгжмийн багшийн ангид суралцан 1971 онд төгсч
1971-1973 онд сургуульдаа багшилжээ.
1975-1979 онд Украин улсын Киев хотноо Хөгжмийн их сургуульд суралцан хөгжмийн зохиолч, хөгжим судлаач мэргэжил эзэмшсэн байна.
1980-аад оны эхнээс МАХН-ын Төв хорооны үзэл суртлын хэлтэст ажилтан, Монголын Хөгжмийн Зохиолчдын Холбооны дарга, Соёлын яамны орлогч сайдаар 1992 он хүртэл ажилласан байна.
1989 онд 'Мандухай цэцэн хатан' киноны хөгжмөөр,
2000 онд морин хуурт зориулсан шилдэг бүтээлээрээ хоёр дахь удаагаа Төрийн шагнал,
2005 онд Монголын хөгжмийн урлагт оруулсан хувь нэмрээрээ Ардын жүжигчин цол хүртжээ.
1969 онд ахмад зохиолч А.Самбалхүндэвийн шүлгээр зохиосон 'Төрсөн нутгийн бараа' дуу нь уран бүтээлийнх нь гараа байлаа.
Түүнээс хойш
'Уран гоо',
'Сэвтээ нь үгүй сэтгэл',
'Бурхан бумбын орон',
'Тогосын цагаан овоо',
'Монгол бүсгүй',
'Амраг минь дээ',
'Хайрлан дуулмаар байна' зэрэг 200 гаруй дуу зохиожээ.
Монголын дуучдын ур чадварыг сайжруулахад Соёлын гавьяат зүтгэлтэн Д.Цэдэвийн шүлгээр 'Талын харгуй' нэртэй цуврал 24 романс зохиосон байна.
Мөн манай киноны хөгжмийн нэрт төлөөлөгчдийн нэг юм.
Хүүхэд залуусын үзэх дуртай
'Би чамд хайртай' киноны хөгжмийг 1985 онд,
'Мандухай цэцэн хатан' киноны хөгжмийг 1987 онд,
улмаар 'Мөнх тэнгэрийн хүчин дор' гээд хэд хэдэн киноны хөгжим зохиосон.
Түүнчлэн, дан хөгжмийн бүтээл олныг зохиосноос
'Ятгын концерт',
'Ёочингийн концерт',
хийлд зориулсан 'Уянгын аяз',
'Морин хуур найрал хөгжмийн концерт',
төгөлдөр хуурын 'Прелюди' гээд олныг нэрлэж болно.
Ялангуяа морин хуурт, морин хуурын чуулгад зориулсан олон шилдэг бүтээлээ туурвиж ирсэн.
Манай үндэсний эрхэм хөгжмийн зэмсгийн дуугарах бүхий л боломжийг нээж чадсан сонсголонтой олон сайхан бүтээлүүд нь хөгжмийн зохиолчид Төрийн шагнал авчирсан юм.
Н.Жанцанноров хөгжмийн бүтээл туурвихын зэрэгцээ судлаачийн хувьд монголын хөгжимд онолын талаас дорвитой бүтээлүүд ихийг хийсэн.
'Монголын хөгжмийн зохиолчдын 12 хөрөг',
'Хөгжмийн онолын нэр томъёоны хураангуй тайлбар толь',
'Сэрэх ухаанаа дууд',
'Их дуучны яриа',
'Уртын дууны уламжлалт зарим нэр томъёоны гаргалгаа',
'Монголын хөгжмийн таван эгшигтийн онолын асуудлууд' зэрэг ном товхимол
'Хүний заяа' нэртэй цуврал дууны түүвэр - тайлбартай, морин хуурын чуулгын бүтээлүүдээрээ болон
'Мөнх тэнгэрийн хүчин дор',
'Мандухай' цэцэн хатан' киноны хөгжмүүдээрээ,
'Хайрлан дуулмаар байна',
'Байн байн санаа алдмаар' зэрэг дан хөгжмийн болон дууны 10 гаруй диск гаргажээ