以前响90年代嘅時候,西餐嘅食材都係偏貴,連响屋企自己煮都好貴,當時西餐嘅食材係要專門去啲高級嘅超市度買,例如Oliver's、山頂百佳同埋City's Super。當時仲未有金鐘嘅The Great Food Hall。但係而家香港响煮西餐都好平,西餐嘅食材响香港周街都有得買。豉油西餐只不過係時代嘅產物,以前响90年代冇錢去食正宗嘅西餐,大家先會去食山寨版嘅豉油西餐。但係而家去歐洲旅行比起90年代嘅時候平咗好多,以前90年代要去一程歐洲真係好喇貴!多咗香港人去歐洲,大家就自然會想食返啲正宗嘅西餐。仲有就係而家啲人係比較注重健康,已經唔興好似90年代咁食啲咁濃味嘅豉油西餐。