拍攝位置鯉魚門
鯉魚門，一個食海鮮好出名嘅地方，影片開始正正就係鯉魚門牌坊嘅位置開始。
要到達呢個位置可以喺旺角先達廣場乘搭去油塘嘅小巴，亦都可以搭地鐵去油塘地鐵站再步行過嚟。
我嘅拍攝時間係下晝嘅三點幾，所以好多舖頭都未開，酒樓裏便亦都冇乜人～呢度並唔係死場😅
因為都知道路途遙遠，所以開始嘅時候行嘅速度比較快。
鯉魚門，差唔多一至兩年會幫襯一次，有啲人覺得係一個呃遊客嘅地方，但係我食過兩間其實又冇呢個感覺，都係正常食嘅海鮮，都係正常食海鮮嘅價錢。
0140開始進入海鮮街
食海鮮嘅酒家、賣海鮮嘅舖頭、巧手製作嘅懷舊零食、生果舖都琳瑯滿目。
0330金龍海鮮酒家就係我爸爸每次去鯉魚門都會幫襯嘅舖頭。運動、疫情之後都冇去過鯉魚門，見到舖頭裏面已經重新裝修，美輪美奐。而金龍海鮮酒家指定嘅買海鮮地方就係0255嘅龍華海鮮。
0340勝園餅家，就係我每次嚟鯉魚門買小食嘅地方。雞仔餅、鳳凰卷、蛋捲、合桃、香蕉糕等等等等
0440一個喺我細細個嘅時候留咗好多腳毛喺度嘅球場，冇打過波，但係細個嘅時候，長輩們食完飯，呢度係迴避佢哋漫長吹水嘅一個好好嘅空間
0500紹香園，唔少電視網台都有宣傳嘅一間舖頭，鳳凰卷嘅口味仲多，合桃、肉亁都非常吸引。
快樂漁港酒家，就係另一間我有幫襯過嘅舖頭，同樣經過一段時間冇見，亦都已經重新裝修。而佢指定購買海鮮嘅地方就係0435琦旺海鮮。
食海鮮通常都$500 、$600 ，喺呢度嘅經驗都係一樣，呢個價錢有龍蝦、鮑魚、瀨尿蝦，而質素亦都唔錯。
最後經過一個小碼頭，再走出去鯉魚門燈塔。
聽晚嘅影片繼續係鯉魚門，同你睇睇另一個唔同嘅鯉魚門
2024Jan
#油塘 #鯉魚門 #三家村避風塘 #牌坊 #海鮮街 #小心地滑 #魚 #蝦 #蟹 #瀨尿蝦 #龍蝦 #阿拉斯加長腳蟹 #新鮮 #生猛 #酒家 #小食 #迷你蝦春卷 #三千年開花 #3000連結 #肉鬆片 #碼頭 #鯉魚門燈塔 #陽光普照 #藍天白雲
*如果有邊度想去，留言話我知啦，未敢應承一定去，但會盡量安排。