可能我心態好導致氣場强，所以來倫敦咁耐完全唔覺，加上倫敦本身外來人隨時多過本地人。 1）"你好"-好多人都有對我講，不過“謝謝”亦唔少，而且唔少同事間中都有向我請教中文單字，我當然教佢廣東話啦 2）若然聽果個係日本人，相信亦會不以為意，心諗關我鬼事，除非佢自認係果個某國人啦 3) 小朋友就算對我講燒數簿，身為大人亦不以為意 4）吐煙未試過，問我攞煙就試唔少，當然佢哋周街見人食煙就問果隻 外貌被視為某國人就被鬧，我只會覺得佢世界觀不足攪錯嘢，比如南韓人响英國被同樣反北韓嘅人叫“返北韓啦”，佢會開心還是唔開心？ 升本地人乃人之常情，唔通香港又見得少咩，廣告話齋“當你去到外國，你先係外國人”，再過幾年多啲港人上位情況就唔同。就正如我公司見我表現，幾百人都覺得我做嘢非常好，值得信任...東亞人vs歐洲非洲印巴人，唔駛講啦 入餐廳被送另類餐牌，好比外國人(包括最憎英文嘅法國人及完全唔識英文嘅東歐人)到香港入茶餐廳被送英文餐牌，呢個唔係指定動作咩？ 只係英國唔少表格，包括GP果啲，都無細分日本韓國中國，種族一欄只有“Chinese"選擇

遇過N咁多次, 但唔好表現出好介意既樣, 佢地咁講想試對方有咩反應, 奇實唔理佢就唔會有野, 好果你表現得好介意, 佢地會狂笑同繼續講落去

頭兩點唔同意，第三點，第四點絕對係歧視，但我未遇見到。

成日話比人岐視果d人都係睇唔起自己既人

我哋岐視佢哋差唔多，成條街窮鬼多得是扮咩岐視呢。有次街上有人問我俾錢我唔俾佢然後鬧我 Chinese 我俾了中指佢😂😂😂

其實種族歧視你就當係有隻9對住你吠，你可以選擇遠離，無必要同隻9辯論，如果係鄰居／同事種族歧視才需要認真處理。

那些事件十居其九都是班非仔專登撩9你，無論是否種族歧視成份你都不會高興。 但是要搞到要keep count（閘低條數）又何苦呢？任何一個國家（包括你自己的）都沒有義務保證你出街不會被人撩。不喜歡的話，離開轉換環境吧。

一般都無從判斷架，咪自己think positive啲，少啲玻璃心。有啲好明顯既因為你係乜乜人講到出口唔請你啦，呢啲先係真歧視。