Рет қаралды 27,624
TUUN LEH ZUA
1. Topa aw ka nuntakna, hong siamthak nawn in la,
Van daitui in ka kha hong nom sak in;
Topa nang tawh ka om ciang, taksap bangmah nei keng,
Ka kha dia kipahna Nang kia na hi;
Topa aw ka hinna in, Nang naih sem leng nuam sa hi,
Nang ding in ka hong kipumpiak hi...
Topa lam-en mite zong, Zion tang bang a det in,
Anah zong kai lo, tui luang kiang ahing hi...
Nang tawh kikholh nuam lua ing, kipaak a Nang mah phat in, Nisim a nang tawh khawlkhawm a nuam hi...
2. Na itna a lamdang in, a thuk dan ka gen zo lo,
Mi khial hot damna zaw thuk in a sang hi;
Tehpih ding dang ka nei lo, sinthu in ka sut zo lo,
Na min phat zaila’n hong awi ning maw;
Ka sak zaila leh pahna, bukim lo a cing lo zong,
Topa aw hong sang in na gam a ding...
3. Ka siamna leh theihna te, ka hun leh ni nang ding
Topa aw ka hon laan hi hong sang in;
Na lim nuai ah tutkhawl in, sinthu zaila awi leng,
Kipahna dang kei di’n a om lo hi;
Nang siang ah hong pi in la, na hoihna hong mu sak in,
Topa aw hong ngilh ke’n khuavel ka zin sung in...