Рет қаралды 8,349
එක්සත් ජාතික පක්ෂයේ ජනාධිපති අපේක්ෂකයෙකු හා විපක්ෂ නායක ලෙස අතිවිශිෂ්ට දේශපාලන, ආර්ථික, හා සමාජ මෙහෙවරක නියමුවා වූ ගාමිණී දිසානායකයන්ගේ දයාබර බිරිඳ සහ එක්සත් ජාතික පක්ෂයේ නුවරඑළිය දිස්ත්රික් නායක හා සබරගමුව පළාත් ආණ්ඩුකාරවර අධිනීතිඥ නවින් දිසානායකයගේත්, පාර්ලිමේන්තු මන්ත්රී මයන්ත දිසානායකයගේ හා වරුනි දිසානායක ගේ දයාබර මව වූ වජිරා ශ්රීමතී දිසානායක මැතිණියගේ 81 වැනි ජන්ම දින සැමරුම අදට යෙදී තිබේ.
1943 ජනවාරි 07 දින මාතර ලෙනදූව ගම්මනායේ දී උපතලද ඇගේ පියා හිටපු ආදායම් බදු කොමසාරිස්වරයෙකු, ජාතික චිත්රපටි සංස්ථාවේ සහ රාජ්ය උකස් හා ආයෝජන බැංකුවේ හිටපු සභාපතිවරයෙකු වූ ලෙනදූව පියසේන මහතාය.
ඇගේ මවවන ෆ්ලෝරන්ස් ගෝමස් මහත්මියද සුප්රසිද්ධ සමාජ සේවිකාවකි.
කොළඹ කාන්තා විද්යාලයෙන් ප්රාථමික හා ද්විතීය අධ්යාපනය ලැබූ ඇය පේරාදෙණිය විශ්වවිද්යාලයට 1966 වර්ෂයේදී ඇතුළත් වී පළමු පෙළ සාමාර්ථයක් සහිතව සිය පළමු උපාධිය සමත් වූවාය. ඒ සිය කණ්ඩායමේ පළමුවැන්නා ලෙසිනි.
වෘත්තියෙන් අධි නීතිඥවරියක වූ ඇය 1968 වර්ෂයේ ගාමිණී දිසානායකයන් සමඟ විවාහ වූ අතර 1970 වර්යේදී විධායක නිලධාරිනියක ලෙස පුද්ගලික සමාගමක් වන ලිවර් බ්රදර්ස්(Lever Brothers) එක් වූවාය.
සිය සැමියාගේ දේශපාලන කටයුතුවලට සහයෝගය ලබා දීම වෙනුවෙන් 1982 වර්ෂයේදී සිය වෘත්තිය දිවියට ඇය සමුදුන්නේ සමාගම් ලේකම්වරියක ලෙසිනි.
1993 වර්ෂයේ දී නුවරඑළිය නියෝජනය කරමින් මධ්යම පළාත් සභාවට තේරී පත්වන ඇය සිය ස්වාමියාගේ දේශපාලන ගමන් මඟට නිරන්තරයෙන් ශක්තියක් වූවාය.
ගාමිණී දිසානායකයන්ගේ කඩිනම් මහවැලි සංවර්ධන ව්යාපාරයට ක්රියාකාරී ලෙස දායකත්වය දුන් ශ්රීමා දිසානායක ඔහුගේ හදිසි වියෝවෙන් පසු 1994 වසරේදී එක්සත් ජාතික පක්ෂයේ ජනාධිපති අපේක්ෂිකාව ලෙසින් ඉදිරිපත් වී සමස්ත ඡන්ද ප්රමාණයෙන් 36%කට වඩා ඡන්ද ප්රමාණයක් ලබා ගත්තාය.
අනතුරුව දේශපාලනයෙන් සමුගන්නා ශ්රීමා දිසානායක මැතිනිය සිය ස්වාමියාගේ සමාජ මෙහෙවර ඉදිරියට රැගෙන යාම සඳහා කැපී පෙනෙන සමාජ සේවාවන් රැසකට දායකත්වය ලබා දෙයි.
1995 වසරේදී ගාමිණී දිසානායක පදනම හා ගාමිණී දිසානායක තාක්ෂණික හා වෘත්තීය පුහුණු පාසල ආරම්භ කරමින් නුවරඑලිය හා මහ නුවර දිස්ත්රික් කේන්ද්ර කොටගත් සුවහසක් දුවාදරුවන්ට නොමිලේ වෘත්තීය මාර්ගෝපදේශකත්වය ලබා දීමට දිසානායක මැතිණියට හැකිවේ. එදා සිට අද දක්වාත් එතුමිය ගේ නායකත්වයෙන් හා මග පෙන්වීමෙන් දහසකුත් එකක් සමාජ මෙහෙවරයන් දියත් කෙරෙමින් පවතී. ක්රියාකාරී දේශපාලනයට පිවිසි සිය පුතුන් දෙදෙනාට සිය ස්වාමියාට මෙන්ම ශක්තියක් හා ධෛර්යයක් වෙමින් ඔවුන්ගේ සාර්ථකත්වය පිටුපස දැවැන්ත සෙවණැල්ල ව සිටියාය.
මහවැලි සෑය පිළිබඳ ගාමිණී දිසානායකයන් දුටු සිහිනය සැබෑවක් කොට ජාතියට දායාද කිරීමට සිය පුතු නවින් දිසානායකයන්ට ශක්තියක් වූයේ ද ශ්රීමා දිසානායක මැතිණියයි.
වීඩියෝ අයිතින්- Rupavahini News Newsfirst.lk Sirasa TV Live at 8
Governor Of Sabaragamu Province