Бәріңізге Ассалаумағалейкум!
Біздегі сопылардың көсемі, елді дүрліктірген «отбасындағы, тұрмыстағы зорлық-зомбылыққа қарсы заңға», қарулы жиһад жариялаған - Құрбанәлі Ахметов, енді Президентіміз Қ.Тоқаевқа үндеу жасады. Ол үндеуінде, «Ұлттық қауіпсіздік комитетінің қызметкерлерінен, зорлық көргенін айтып» араша сұрады. Қазақтарға аяғын сүйгізген сопы Құрбанәлі қажы, сонымен қатар Қ.Тоқаевқа жасаған үндеуінде, Нұрсұлтан Назарбаев пен Қ.Тоқаевты «Құдайдың жердегі көлеңкесі» дейтін, Қазақстан Мұсылмандары діни басқармасының шүкір-тәубешіл мүфтилері мен имамдарына, парламент мәжілісінен арнайы депутаттық мандат беру керектігін баса айтты.
Әрине, Еліміз мұсылман мемлекеті болғандықтан, яғни мұсылмандардың жалпы саны 80%-ды құрап отырғандықтан, Парламент Мәжілісінде, Діни басқармадан кемі үш депутаттың отырғаны - дұрыс шешім болар еді. Себебі, дінге қатысты заңдар қабылдағанда, сол депутаттардың уәждері мен пікірлері ескерілсе - жөн болар еді. Депутаттарымыз келеңсіз заңды қабылдап алып, ел алдында масқара болып қалудан сақтанған болар ма еді кім білсін?
Онсызда, парламент Мәжілісінде, Қазақстан Халқы ассамблеясынан тоғыз депутат отырған жоқ па? Енді Діни басқармадан да, кемі үш төрт депутаттың отырғаны абзал болмақ. Мұндағы мақсат: Еліміздегі мұсылмандардың құқықтары мен діни сенімдеріне заң арқылы қысым жасалу мен кедергі келтірудің алдын алу.
Мысалы: көршіміз Қырғызстанда, ғаламтор арқылы видео жариялаған, діншіл белсенді, яғни президент сайлауында кандидаттыққа үміткер болған Мыктыбек Арстанбек: "ислам дінін саяси Майданға таратып және адамдардың, исламға деген назарын аударуды" көздейтінін айтып, "НҰР" деген діни партия құрып, заңды тіркететінін ашық айтқан еді. Ең қызығы осы мәлімдемеге орай, Құрбанәлі сопының аталмыш діни үндеуінің тұспа-тұс сәйкес келгені, кездейсоқ емес сияқты ма, қалай? Бұдан қандай қорытынды шығаруға болады?
Қолында ешқандай билігі жоқ, Құрбанәлі сопының бұл ұсынысын Қазақстан Мұсылмандары діни басқармасы қолдай ма, қолдамай ма, оны кезінде көрерміз? Діни басқарма қолдағанымен, үкімет қолдай қоя ма, ол жағыда белгісіз?
Құрметті көрермендер, сіздерге бәріміз үшін қуантарлық жағдайды айта кетейік: біздің елдегі, тек қана облыс әкімдерінің беделін көтеру үшін құрылған, ең кедей деген футбол клубы жылына, сол облыстың бюджетінен, кемінде 4 миллиард теңгені жамбасқа басатын, футбол клубтарының өмірлері жұмақтай еді. Құдайға шүкір, ақша жетеді. Сондықтан да олар аса сараңдық танытпай, қанша сұраса да сонша беріп, шетелдерден легионерлдер деп аталатын келімсектерді шақыруды өзіндік бір «дәстүрге» айналдырып алған.
Нақты ақпаратты журналист Жайберген Болатов, былай деп жазады: Бір ғана цифрды айтайық. Елімізде анау-мынау емес, тұп-тура 98 кәсіби спорт клубы тіркелген екен. Олардың барлығы дерлік, жергілікті бюджеттен қаржыландырылады. Мұны да аз десеңіз, олардың кейбіреулері ұлттық компаниялардан молынан бір асап, жеке кәсіпкерлерден екі асап, теңгені дорбалап алып жүргендігі көпшілікке ақиқат.
Енді олардың, «шетелдік әлгіндей келімсектерді байытатын, оған қоса өздері де шалқып өмір сүретін дәурені аяқталатын шығар», деген үміт оянған еді. Бұған Қазақстан Республикасының Президенті Қасым-Жомарт Тоқаевтың, былтырғы жылғы қыркүйек айының басында, Парламенттің бірлескен отырысында сөйлеген сөзінде: «Бүгінгідей қаражат тапшылығын ерекше сезініп отырған жағдайда, еліміздегі кәсіби спорт клубтарын толық бюджет есебінен ұстап отырудың еш мәні жоқ. Ал оларды қолдауға кеткен миллиардтаған теңге, өте тиімсіз жұмсалады», деп ашық айтқан болатын. Ал жаңадан өсіп келе жатқан ұрпақтың, спорттық және шығармашылық әлеуетіне назар аударып, бұқаралық спорт пен дене шынықтыруға, көңіл аударғаны жөн екендігіне ерекше тоқталған.
Мемлекет басшысы айтқан соң амал жоқ, біздің билік басындағы шенеуніктер, әдеттегідей өздерінше, белсенді қимылға көшкен қалып танытқан. Өткен жылдың аяқ кезінде, Мәжілістің пленарлық отырысында, еліміздің мәдениет және спорт министрі Ақтоты Райымқұлова, жылына елімізде, жалпы спортқа бюджеттен 160 миллиард теңге бөлентіндігін, ал оның 56 миллиарды, кәсіби клубтардың еншісіне тиетіндігін хабарлаған. Онан соң, министр ханым, аталмыш клубтарға жұмсалатын қаржының биыл екі есе қысқарып, одан үнемделген 22,2 миллиард теңге, бұқаралық спортқа жұмсалатын айтып, қалың жұртты бір қуантқан еді.
Алайда бізде, қашанда шенеуніктің айқананының бәрі, сол қалпында орындала бермейді ғой. Бұл жолы да, сол дәстүр бұзылған жоқ. Жақында ғана белгілі болғандай, әкімдердің клубтарына бөлінетін мол қаржыны тұп-тура екі есеге қысқартуға олардың қожайындарынан қысылған болар, ол небәрі 1 жарым есе ғана қысқарған. Мәсеелен, былтыр Қазақстандағы футбол клубтарының бюджеті 27,3 миллиард болса, енді ол әлі де 16,9 миллиард теңге құрап отыр.
Міне, біздегі «бюджет қаржысын үнемдеу, қажетсіз шығындарды қысқарту» деген жұртты «алдау ойыны», осындай қызық емес, шыжыққа айналып отыр. толығырақ видеода...