Emisioni "Me zemer te hapur" nga Evis Ahmeti ne News24 - 15 shkurt, 2021
Gjyqtarja e Krujës, Enkelejda Hoxha është arrestuar me urdhër të SPAK, pasi akuzohet për korrupsion dhe shpërdorim detyre. Enkelejda Hoxha, njihet si “gjyqtarja e lirimit të të fortëve” Inspektoriati i Lartë i Drejtësisë ka kërkuar shkarkimin e saj nga detyra. Hoxha njihet për favorizimin që ka bërë për lirimin e Endrit Doklës dhe Hekuran Billës, nga ku ky i fundit është ekzektuar me armë zjarri. Mësohet se Hoxha do të lironte nga burgu Saimir Petanin, i arrestuar për vrasje, i ekstraduar nga Italia për ekzekutimin e Romeo Beqirit, disa vite më parë. Ditët e fundit opinioni publik është "bombarduar" me lajme për lirimin e parakohshëm nga burgu të disa prej kriminelëve më famëkeq të vendit me arsye nga më të çuditshmet e skandalozet. Por nga ana tjeter Bejlul Hoxha, babai i gjyqtares Enkelejda Hoxha ka deklaruar se vajza e tij është e ndershme dhe nuk ka bërë kurrë padrejtësi. Në vijim të kësaj deklarate, ai shprehet se vajza e tij ka një fëmijë të sëmurë me autizëm dhe se kushtet në të cilat ndodhet janë për të ardhur keq. Bejlul pohon se paratë e gjetura në shtëpi janë të ligjshme, për të cilat ka dokumenta, por e pa pritur ishte dhe deklarata e vajzës minorene të gjyqtares e cila njëzërazi me gjyshin pohoi se nëna e saj është e pafajshme dhe e detyruar për të kryer këto veprime.Po cila ka qenë dhe është jeta e Enkelejda Hoxhes këtë do ta mësojmë ditën e sotme, pasi pjesë ne studios së emisionit “Me Zemër të Hapur” ishte babai i gjyqtares, Bejlul Hoxha. Për më shumë ndiqni emisionin…