Рет қаралды 58
တောင်ပေါ်မှာ တနင်္ဂနွေနေ့တိုင်း အလုပ်သွားလုပ်ရပေမဲ့ ဒီနှစ်ထဲ နှင်းကျတာ နောက်ကျလို့ ဓာတ်ပုံတွေ၊ video တွေ ရိုက်ခွင့်မရဘူး။ ဒီဆောင်းတွင်းထဲမှာ ပထမဆုံးအကြိမ်အနေနဲ့ တောင်ပေါ်က ဒီ Oakhurst မြို့လေးမှာ ညတုန်းက နှင်းတွေ စပြီး ကျတယ်။ တောင်ပေါ် အမြန်ရောက်ချင်ဇောနဲ့ မနက် ၅ နာရီကတည်းက ထ ပြီး ခြေစွပ်၊ ခေါင်းစွပ်တွေ၊ ဘောင်းဘီ၊ အနွေးထည်တွေ ၀တ်ဖို့ ပြင်ဆင်ပြီးတာနဲ့ အလုပ်ကို ရောက်အောင်သွား။ ကိုယ့်ကားကို အလုပ်မှာထားခဲ့၊ အလုပ်က ကားကိုယူပြီး တောင်ပေါ်တက်။ တောင်ပေါ်မှာ အလုပ်လည်း လုပ်ရင်း၊ ဓာတ်ပုံ နဲ့ video တွေရိုက်ရင်း နဲ့ ပြန်ဆင်းလာတော့ ကားက နှင်းတောထဲမှာ ရုန်းမလို့မရတော့ဘူး။ အဲဒါ နဲ့ အနီးအနားပတ်၀န်းကျင်က ယောကျ်ား ၅ ယောက်၊ ၆ ယောက်အားနဲ့ ကားကို နှင်းထဲနစ်နေတဲ့ရာကနေ ၀ိုင်းတွန်းတင်ပေးလို့ နှင်းတောထဲက လွတ်သွားတယ်။ တောင်တက်လမ်းက နည်းနည်းမြင့်လေ၊ နှင်းတွေက ပိုပြီး ထူထူထပ်ထပ် ကျလေမို့လို့ တစ်နေရာမှာ ရဲကား ၃ စီးက တောင်ပေါ် ဆက်တက်မယ့် ကားမှန်သမျှကို နှင်းတောထဲ ဆက်ရုန်းဖို့ ကားဘီးကို ပတ်မယ့် သံကြိုးတွေပါရဲ့လားလို့ မေးတယ်။ ကျနော်ကတော့ ကားဘီးပတ်စရာ ဘာသံကြိုးမှ မပါလို့ အဲဒီနေရာတင်ပဲလှည့်ပြီး ပြန်ခဲ့တယ်။ ဒါပေမဲ့ video clip လေးတချို့တော့ ရခဲ့လို့ ကျေကျေနပ်နပ်နဲ့ပဲ တောင်ပေါ်ကနေ ပြန်ဆင်းလာခဲ့တယ်။