Соңғы уақытта Арменияның премьер-министрі Никол Пашинян жайлы әңгіме желдей есіп тұр. Біреу мақтап жатыр, ал біреу даттап жатыр. Мақтағандар оны айтаққа ермеді, көрегендік жасады дейді. Айтушылар оның соңғы бір күндік соғыста өздерін Таулы Қарабақ республикасымыз деп заңсыз үкімет құрған қандастарын қорғап атойлап шықпағанын дұрыс істеді дегенге келтіреді. Пашинян Таулы Қарабақтың Әзірбайжанға тиесілі жер екенін мойындаған. Ал Ресей насихатшыларының айтағына еріп Әзірбайжанның Қарабақты терроризмнен тазарту операциясына қарсы әскер шығарғанда Армения егемендігінен айырылып қалуы ғажап емес еді деген сөз жиі айтылады. Сондықтан Пашинян салқынқандылықпен, сабырмен Арменияның Әзірбайжан алдында тізе бүгіп, елдігінен айырылып қалуынан сақтап қалған болуы да әбден мүмкін. Себебі қолтықтан демеп жатқан Ресей жоқ, Армения әскері Әзірбайжанның әскеріне төтеп бере алмайды. Мақтағандардың ойы осыған саяды. Ал даттап жатқандар көбіне мәскеулік насихатшылар мен Арменияның оппозициясы. Олар Пашинянды Қарабаққа жармаспай тыныш қалдың деп жерден алып, жерге салып жатыр. Пашинян оларға пысқырып та қараған жоқ, өзінікін дұрыс санайды. Тіпті Армения премьер-министрі соңы уақытта Ресейге қырын қарап, мінез көрсетіп жүр. Ресеймен ат құйрығын шорт кесісіп, өзге әлемге қарай бет бұра бастағаны байқалады. Ол жайлы сөздің көбейіп кетуі де осыдан.
Авторы Нағашыбек Алдан.
Telegram Qaz - t.me/atamekenbusiness_qaz
Telegram Rus - t.me/atamekenbusiness
Instagram - / atameken.business
Instagram - / inbusinesskz
Facebook - / atamekentv.kz
Atameken Business Sport - t.me/atamekenbusiness_sport
Facebook - / inbusiness.kz
Tik-Tok - / atamekenbusiness
«Atameken Business» online: inbusiness.kz/ru/tv
Cайт - inbusiness.kz
Atameken Business Programs - / @atamekenbusinessprogr...
#AtamekenBusiness #Inbusinesskz #НовостиКазахстана