【နိုင်ငံတကာ အမြင်】ရှီကျင့်ဖျင်နှင့် တွေ့ဆုံခြင်း-မိုနာကိုအကြီးအကဲ
=================================
မိုနာကိုနိုင်ငံ အကြီးအကဲ Albert II ဟာ သမ္မတရှီကျင့်ဖျင်ရဲ့မိတ်ဆွေဟောင်း ဖြစ်ပါတယ်။ နှစ်နိုင်ငံအကြီးအကဲတို့ အကြိမ်များစွာ တွေ့ဆုံဖူးပါတယ်။ ၂၀၁၉ ခုနှစ် မတ်လ ၂၄ ရက်နေ့က သမ္မတရှီကျင့်ဖျင် မိုနာကိုသို့ သွားရောက်ခဲ့ပြီး မိုနာကိုသို့ သွားရောက်ခဲ့တဲ့ ပထမဆုံး တရုတ်နိုင်ငံရဲ့အကြီးအကဲ ဖြစ်ခဲ့ပါတယ်။
“ကျွန်တော့်အနေနဲ့ ဒါဟာ အလွန်ကြီးမားတဲ့ပျော်ရွှင်မှုပါပဲ” လို့ Albert II က ပြောကြားခဲ့ပါတယ်။
သမ္မတရှီကျင့်ဖျင်နဲ့ Albert II တို့မှာ အတူဂရုပြုကြတဲ့ နယ်ပယ်တွေများစွာရှိပါတယ်။ နှစ်နိုင်ငံအကြီးအကဲတွေဟာ ဆိုချီ ဆောင်းရာသီအိုလံပစ်ပြိုင်ပွဲ၊ နန်ကျင်း လူငယ်အိုလံပစ်ပြိုင်ပွဲ၊ ဘေကျင်း ဆောင်းရာသီအိုလံပစ်ပြိုင်ပွဲ ဖွင့်ပွဲအခမ်းအနားတွေကို အတူတက်ရောက်ခဲ့ဖူးပါတယ်။
“သမ္မတရှီက အားကစားရဲ့အရေးပါပုံကို အလွန်နားလည်သဘောပေါက်တယ်လို့ ကျွန်တော် ထင်ပါတယ်။ ဘာကြောင့်လဲဆိုတော့ ဘေကျင်းမှာ ၂၀၂၂ ခုနှစ် ဆောင်းရာသီအိုလံပစ်ပြိုင်ပွဲ ကျင်းပဖို့ အားပေးခဲ့ရုံသာမက အားကစားလှုပ်ရှား လေ့ကျင့်မှုတွေမှာပါ တရုတ်ပြည်သူတွေ ပါဝင်လာဖို့လည်း မျှော်လင့်နေလို့ပါပဲ။”
“တရုတ်အသွင်ပုံစံခေတ်မီမှုက လူနဲ့ သဘာဝတရား သဟဇာတရှိရှိ အတူယှဉ်တွဲနေထိုင်တဲ့ ခေတ်မီမှုဖြစ်တယ်” လို့ သမ္မတရှီကျင့်ဖျင်က အကြိမ်ကြိမ် အလေးပေးပြောကြားခဲ့ပါတယ်။ ဆယ်နှစ်ကျော်အတွင်း တရုတ်နိုင်ငံက ဇီဝမျိုးစုံမျိုးကွဲ ထိန်းသိမ်းစောင့်ရှောက်ရေးဆိုတဲ့ အရေးပါလုပ်ငန်းကြီးကို တက်တက်ကြွကြွ လုပ်ဆောင်ခဲ့ပြီး ရှားပါးပြီးမျိုးသုဉ်းလုနီးပါး မျိုးစိတ်အများအပြားကို ထိရောက်စွာ ထိန်းသိမ်းစောင့်ရှောက်နိုင်ခဲ့ပါတယ်။
၂၀၁၈ ခုနှစ် စက်တင်ဘာလမှာ သမ္မတရှီကျင့်ဖျင်က Albert II ကို ပေကျင်းမှာ တွေ့ဆုံခဲ့ပါတယ်။ “အရှေ့မြောက်ပိုင်းကျားထိန်းသိမ်းရေးနယ်မြေ၊ အရှေ့မြောက်ပိုင်းကျားသစ် ထိန်းသိမ်းရေးနယ်မြေ၊ နှင်းကျားသစ် အနောက်မြောက်ပိုင်း ထိန်းသိမ်းရေးနယ်မြေ တို့ကို ထူထောင်ရန် ကျွန်တော် ကိုယ်တိုင် ဆုံးဖြတ်ခဲ့တယ်” ဆိုတဲ့ သမ္မတရှီကျင့်ဖျင်ရဲ့စကားကို တိရစ္ဆာန်ထိန်းသိမ်းစောင့်ရှောက်ရေးကိုအလေးထားတဲ့ Albert II က စွဲမြဲစွာ အမှတ်ရနေခဲ့ပါတယ်။
“အထူးသဖြင့် ပတ်ဝန်းကျင်တိုးတက်ကောင်းမွန်စေရေး အတွက် သမ္မတရှီနဲ့ တရုတ်အစိုးရရဲ့ စိတ်ပိုင်းဖြတ်မှုနဲ့ ဆန္ဒကြောင့် ကျွန်တော်စိတ်လှုပ်ရှားမိပါတယ်။ အေးအတူပူ အမျှအသိုက်အဝန်း ဆိုတာကို ကျွန်တော်အများကြီး နားလည်သဘောပေါက်ပါတယ်။ လူသားတို့ရဲ့အနာဂတ်ကို ဂရုစိုက်ခြင်းဟာ အလွန်ကောင်းမွန်တဲ့ အကြံဉာဏ်တစ်ခု ဖြစ်ပါတယ်” လို့ Albert II က ပြောကြားပါတယ်။