Nishon tumanida bodomzor tashkil etish maqsadida dastlabki koʻchat ekish ishlari boshlab yuborildi.
Nishon tumanida bog‘dorchilikni rivojlantirish maqsadida ilmiy yondashgan holda tumandagi "Usmon Yusupov" hududidagi Jannat Garden MCHJga qarashli bogʻdorchilik uchun ajratilgan 24 gektar maydonga "Bodomzor" tashkil etish maqsadida dastlabki ko'chat ekish ishlari boshlab yuborildi.
Bugun Nishon tumani hokimi B.Tog'ayevning tashabbusi bilan Samarqand viloyatidan 8200 dona bodom koʻchatlari olib kelindi.
Shuningdek tumanda bogʻdorchilikni rivojlantirish, aholi daromadlarini oshirish maqsadida 24 gektar yer maydoniga jami 35 ming dona bodom koʻchatlari ekish rejalashtirilgan.
Ayni kunlarda bodom ko‘chatlari ekilib, ularni parvarishlash va suv tejovchi texnologiyalari yordamida tomchilatib sug‘orish uchun ishlar olib borilmoqda.