السلام عليكم ورحمة الله أول حاجة بغيت نقول هذا ماشي فيديو عادي هذا درس فالنوغا ♥ فيه جميع أسرار هاد الحلوى .. نقدرو نسميو ماستر كلاص بالتفاصيل المملة تفرجوا بتمعن ومن مور هاد الفيديو غاتحتارف النوغا
المقادير كايخرجو 2 كيلوا نوغا ونقدرو نحتافظو بيها مدة طويلة بزاف :
250 جرام عسل
200 مللتر ماء
300 جرام جليكوز
500 جرام سكر
105 بياض البيض
25 جرام سكر
100 جرام شوكولا جودة ممتازة + 20 جرام زبدة الكاكاو
نص كيلو ديال المكسرات
نقط مهمة ذكرتها فالفيديو وخصني نكتبها :
بياض البيض دائما تايكون بدرجة حرارة الغرفة
زبدة الكاكاو ماشي ضرورية مي غاتساعد واحد مبتدأ فالنوغا و الدور ديالها كاتخلي الخليط شوية مرخف ونقدرو نتحكموا بيه بشوية علينا
كاع الدروس ليتقدر تشوف تايقوليك العسل و خليط السكر نشعلوهوم دقة وحدة و هذا خطأ حيث العسل كاتزاد درجة دالحرارة ديالو أربع أضاعف الخليط ليفيه السكر يعني مانشعلوا على العسل حتى يوصل السكر على الأقل 90 درجة
أكبر خطأ غاتوقع فيه هو ملي تخوي السكر وماتخليش الخليط يطرب مزيان خصنا نخليوه يطرب على الأقل 6 دقائق عاد نضيفوا المكسرات ليتكون سخونة ويلا ماطربناهش ماعمرها تبرد النوغا ..
ورق النوغا ماشي ضروري ويلا غاتخدموه شريو الرقيق ماشي الغليظ + الا غاتعوضوه رشوا الطاوة ب خليط فيه 60 فالمئة سكر كلاصي + 40 فالمئة نشا مايزينا ( مثلا 4 معالق سكر + 2 نشا )
المكسرات ديرو ليعجبكم مهم نص كيلو بالضبط لهاد الكمية ديال النوغا
النوغا العدو ديالها الأول الرطوبة و الثلاجة
فرجة ممتعة ♥ بارطاجيو و دعواتكم بالخير