🎼 ညအတွေး 🎼
🎤တေးဆို … မာမာအေး
✍️တေးရေး … တေးပြုစာဆိုစံရွှေမောင် (ခ) ရုပ်ရှင်သရုပ်ဆောင် ဦးအောင်လွင်
🎹တေးသံစဉ် … ဂီတလုလင်မောင်ကိုကို
နွေတပေါင်းရဲ့အပူရှိန်မှာ နွေလေရူးရဲ့ ရမ်းရမ်းမိုက်မိုက်တိုက်ခတ်မှုကြောင့် ရော်ရွက်ဝါတို့သည် နေ့,ညမရွေး မြေသို့ဆင်းသက် လွင့်လျှက်ကြွေပါပြီ....
အရိုင်းပြိုင်းပြိုင်းအကိုင်းခြောက်တို့ မလှမပကြောင်း အေးအေးမြမြညအလှကို လျှမ်းပပကူညီကြသမို့ အနုပညာလက်ရာပြောင်မြောက်သူတယောက်ရဲ့ ပန်းချီကားတချပ်လို တင့်တယ်လွန်းပါသည်....
နွေရဲ့အပူရှိန် မေ့မှာခံစားဒုက္ခများ ဝိုင်းကာရံကာသည်သို့ အပူမီးဖြာပေါ့ မော့မော့လေးကြည့်ပြန်ရင် ချစ်သူမျက်နှာမြင်တော့ ယုန်လငွေစန္ဒာပမာအလား အေးမြသည် ကြည်ရွှင်ချိုသာလျှမ်း နွမ်းသမျှတွေပြေပြီကွယ်....
သူလည်းကိုယ့်နှယ် မိုးယံကိုမော့ မော့လို့ လမင်းကိုငေးငေး မေ့အကြောင်းများကိုတွေး ဖွေးဖွေးလွလွ ငွေစန္ဒာရယ် တဆင့်စကားနဲ့ မေ့ဘဝအကြောင်း မေချစ်ရကြောင်း သောင်းပြောင်းထွေလာ ဝေဝေဆာဆာ မေရဲ့ကိုယ်စားပြောပါလား....
မေ့ဘဝဆိုတာများ တိမ်လှိုင်းတိမ်တိုက်ပမာအလား လေမြှင့်ရင်မြင့်မှာ လေနှိမ့်ရင်နိမ့်မှာ လေပွေ့ရင်ရွေ့မှာ လေဆန်သို့မြန်မြန်သွား နဂါး,ဂဠုန်ပုံစံထွေပြား တိမ်ပန်းချီအလား ဘယ်ကမ်းဘယ်ဆီ ဘယ်ကိုရောက်မည်မသိပြီ …
မုန်တိုင်းကထန် လေဆန်ပြေးမရ ထွေးနှမကေသီ ခက်ရပြီ …
နေ့မှာလည်းအေး ညမှာလည်းအေး ညအတွေးကလည်းအေးမြ လကလေးကလည်းထွေးပ ဆောင်းညများတွေ ရောက်ပါစေလို့ ဆုတောင်းမိပါသည်.....
_
Upload by Kyaw Mya Linn