Рет қаралды 12,524
Биліктің жұмыс күші тапшы солтүстікке халқы тығыз орналасқан оңтүстік аймақтардан еңбекке қабілетті азаматтарды тарту бағдарламасы нәтижелі бола қоймаған сияқты. Өйткені тек биыл 1320 адам ғана қоныс аударған. Ал Солтүстік Қазақстан облысының әкімі Құмар Ақсақалов тағы 2556 адам қоныс аударады дейді . Өңір басшының ақпаратынша, жыл басынан бері көшкендердің тек жартысына жуығы ғана тұрақты жұмысқа орналасқан.
Осыдан үш жыл бұрын Тараздан Солтүстік Қазақстан облысына көшіп барған Дәурен Тілеубаев "туған жеріме қайтамын" дейді. Бастапқыда жұмыс бар, жаңа үй беріледі дегенді естіп, Мамлют ауданының Калугино ауылына отбасымен көшіп барған. Алайда, барлығы айтылғандай болмапты. Қазір табылған жұмысты істеп, отбасын асырап жүрген Дәурен "қал-жағдайымызды сұрап жатқан ешкім жоқ" деп ашулы.
ДӘУРЕН ТІЛЕУБАЕВ:
- Келдік міне, 3 жыл болды. Жұмыс жоқ. + Әкімге айттық. Жұмыспен қамту орталығына барып ек, жауап жоқ. Ешкімнен жауап жоқ. Ешкім келмейді. Жағдайды сұрамайды.
"Жұмыс жоқ" деген Дәурен Тілеубаевтың туған жеріне қайтудан басқа амалы жоқ. Ал, бүгін Үкіметте Солтүстіктің әкімі Құмар Ақсақаловтың Әлихан Смайыловқа берген ақпараты шындықтан алыстау сияқты. Өңір әкімінің дерегінше, облысқа 2016 жылдан бері 11 мыңнан астам азамат көшіп барса, биыл жыл басынан бері 1320 адам қоныс аударған. Тағы 2556 адамды қабылдайтын жоспары да бар. Биыл көшіп барғандардың ішінде 500-і еңбекке қабілетті деген әкім, олардың ішінде мұғалім, медицина қызметкері, механизатор және мал дәрігерлері бар дейді. Тіпті өз ісін ашуға ниет білдіргендерге арнайы гранттар да бөлдік дейді Құмар Ақсақалов.
ҚҰМАР АҚСАҚАЛОВ, Солтүстік Қазақстан облысының әкімі:
- Сонымен қатар, 200-ге жуық отбасы өз ісін ашуға ниет білдірді. Қоныс аударған адамдардың ісін қолдауға 3 млрд теңге қарастырылған. Қазір 100 отбасы мемлекеттік грант алды. Сондай-ақ, бақылау механизмін арттыру үшін қызметті растау мерзімін 3 жылға дейін ұлғайтуды ұсынамыз.
Құмар Ақсақаловтың тап-тұйнақтай етіп берген ақпаратын тыңдаған Әлихан Смайылов өңір әкімдеріне «Қуатты өңірлер - ел дамуының драйвері» ұлттық жобасы аясында қоныс аударушыларға қолдау көрсетуді тапсырды. Ал, Ақсақаловтың ақпаратында тұрақты жұмыс таппай, қайтадан туған жеріне көшіп кеткен Дәурен сияқты азаматтар жайлы ешқандай да дерек айтылмады.
Аршат Әділжанқызы, Нұркен Тоқмурзин
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#көш #Солтүстік