Goranboy rayonunun Səmədabad kəndinin sakinləri indiyə kimi qaza həsrətdirlər. Səmədabad kəndinin bələdiyyə sədri Sahib Məmmədovun sözlərinə görə kənddə qaz xətlərinin çəkilişi ötən ilin aprel ayında başlanılsada işlər tamamlanmayıb. Əsas qaz xətlər çəkilib və kənddəki evlərin böyük hissəsində qaz sayğacları quraşdırılıb. Bununla belə kəndlərinə naməlum səbəblərdən işlər yarımçıq qalıb. Bununla bağlı aidiyyatı qurumlara dəfələrlə müraciət etdiklərini deyən sakinlər bildiriblər ki qışda şaxtalı günlərdə vəziyyət daha da dözülməz olur. İsinmək üçün məcbur qalıb meyvə ağaclarını kəsdiyini deyən sakinlər tədbir görülməzsə sakinlər Bakı-Gəncə maqistral yolunu və Bakı-Qazax dəmiryolunun kənddən keçən hissəsini bağlayacaqlarını bildiriblər.
Kənd sakini Bəhruz Qaffari digər həmkəndliləri kimi qaz balonunu doldurmaq üçün hər dəfə təxminən 30 kilometr məsafə qət etdiyini deyir. Kənddə çayxana işlədən Bəhruz bütün qazancının qaz balonlarına xərclədiyini deyir. İri həcmli qaz balonunu doldurmaq 16-18 manat, kiçik balon isə 3-5 manat civarında başa gəlir.
“10 gündən bir 5-10 qazandığımız olur sa onu da balonlara veririk. Lazımi yerlərə məlumat vermişik baxan yoxdur. Aidiyyatı orqanlardan xahiş edirik bizim bu qaz problemimizə tədbir görsünlər”
Goranboy rayonunun Səmədabad kəndinin Bələdiyyə sədri Sahib Məmmədov:
“Bizim kənddə qaz çəkilişi başlayandan 5-6 ay sonra qonşu Əhmədabad və Əzizbəyov kəndlərinə qaz çəkilişinə başlasa da onlara qaz verilib bizə yox. Evimizdə qapımızda ağac qalmayıb.Hamısın doğramışıq.Nəvələrim qışda evdə donur.qaz balonu doldurmaqdan, elektrik pltikası yandırmaqdan bezmişik.Hər ay 35-40 manat işıq pulu yazır onu da ödəyə bilmirik.Camaat məcbur qalıb yolu kəsmək istəyir lakin biz imkan vermirik.Sonra camaat yolu kəsəndə bizə deməsinlər siz orada nə iş görürsiz.”-deyə bəədiyyə sədri qeyd edib.
İndi sakinlər səbirsizliklə kəndə qazın verilməsini gözləyirlər.