Алматы облысында Мамырбаевтар отбасы он жылдан соң әзер сүйген сәбилерінен айырылып қалды. Қайғы жұтқан жанұя балаларының шетінегенін дәрігерлерден көріп отыр. Сөздерінше, бала ауруханаға барғанда есін біліп, шырылдап жылап тұрған. Бірақ дәрігерлер қарағаннан кейін бірнеше сағаттан соң ұлымызды танымай қалдық дейді. Есінен танған Мансур арнайы аппараттың көмегімен демалып жатыпты. Нәрестінің ата-анасы баланы мамандар не құлатып алды, болмаса наркозды мөлшерден көп салды деп күдіктенеді.
Баян мен Тілеуберді сәбиін Алматы облыстық балалар ауруханасына апарғандарына қатты өкінеді. Онда бармағанымызда баламыз тірі қалар еді деп ойлайды. Айтуларынша, сол күні сәбилерінің ыстығы көтеріліп, жедел жәрдем шақыртыпты. Бірақ, дәрігерлер келгенше баланың ыстығы түскен. Сонда да анасы шақалақты ақ халаттыларға көресетіп алайын деп, ауруханаға апарыпты.
ТІЛЕУБЕРДІ МАМЫРБАЕВ, Талдықорған қаласының тұрғыны:
- Баланың сартурациясы жақсы болған. 95-96 болған. Біздің көзімізше тексерген. Жарты сағаттан кейін реанимацияға жатты. Үш сағаттан кейін операция жасау керек дейді. Мен айттым, операция жасамайық, баланы маған беріңдер дедім. Баланың состоянесін көрсетті. Баланың басы кетіп қалған, демала алмай қиналып жатты. Жылап айттым, сендер не істедіңдер, үш сағаттың ішінде балаға. Бізге айтпай, біздің рұқсатымызды алмай основной күдігім наркоз салды деп ойлаймын. Не болмаса құлатып алды.
Ал сәбиге ота жасаған дәрігер баланың жағдайы ауыр болды. Оның үстіне жеті айлық сәби отаны көтере алмады дейді.
ЕРТАЙ ЕРБОЛҒАНОВ, Алматы облыстық көпсалалы балалар ауруханасы хирургия бөлімінің меңгерушісі:
- Бала көтере алмады, өйткені ол слабый. Ішектің бір отделі қысылып қалған да, нәжіс, газ өтпей қалады. Түсініп отырсыз ба және оның қысылған жері ішектің қарайып кеткен. Өйткені қан жүрмей қалған. Біз сол қарайып кеткен жерін алып тастадық да, шегін жалғадық.
Бірақ баланың ата-анасы сәбидің жағдайы ауыр болды дегенмен келіспейді. Себебі, дәл сол ауруханаға түсетін күні ғана Талдықорған қалалық емханасының хирургына баланы тексерткендерін айтады.
ТҰРСЫНҒАЛИ СУРАМБЕКОВ, Талдықорған қалалық емханасының хирургы:
- Қағаз жазып, экстренный болса сразу жіберемін, ол кезде экстренный жалоб, жағдай ондай болған жоқ.
БАЯН МАМЫРБАЕВА, Талдықорған қаласының тұрғыны:
- Жазаларын тартсын. Ұлым қайтыс болды, сонымен кішкентай балаларды өлтіру тоқтасын.
Айта кетейік, былтыр Алматы облысында 24 ана мен бала өлімі болған. Бірақ сотталған дәрігерлер жоқ. Ал кішкентау Мансур қайтыс болған ауруханадағы камералар үш-төрт айдан бері істемей тұр екен.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#сәби_өлімі #талдықорған #қайғылы_жағдай