နိုင်ငံရေးကိစ္စတွေ မဟောဘူးလို့ ကြေညာထားတဲ့ ဆရာမအီးတီ
ဇွန်- ၆၊ ၂၀၁၇။
အကြား၊ အမြင် မနောအာရုံနဲ့ အခက်အခဲတွေကို ဟောကြားဖြေရှင်းပေးသူ ဗေဒင်ဆရာမ အီးတီဟာ ကိုးနှစ်သမီးကတည်းက သူ့ရဲ့ ပြောကြားမှုတွေက ထူးထူးခြားခြားမှန်ကန်နေတဲ့အတွက် မိသားစုတွေက သတိထားမိလာကြတာပါ။
အဲဒီကနေမှ တဆင့်စကား တဆင့်ကြားပြီး ပုသိမ်မြို့လေးမှာဆိုရင် သူ့ရဲ့ဟောကြားမှု အပေါ် လူအများစုက ယုံယုံကြည်ကြည်လက်ခံလာကြတယ်လို့ ဆိုပါတယ်။
အဲဒီအချိန်တုန်းက သူဟာ နားလဲ ကြားသူတယောက်ဖြစ်ပြီး စကားလဲ ကောင်းကောင်းမွန်မွန် ပြောနိုင်တဲ့ အနေအထားလို့ သိရပါတယ်။
ဆရာမအီးတီဟာ အသက် ၁၄ နှစ်မတိုင်ခင်က လမ်းလျှောက်နိုင် စကားပြောနိုင်တဲ့ အခြေအနေကနေ အပြင်းဖျားပြီးနောက်မှာ အခြားသူရဲ့ အကူအညီနဲ့သာ သွားလာနိုင်တဲ့ အခြေအနေကို ရောက်ရှိခဲ့ပြီး နားလဲ လုံးဝမကြားတဲ့ အခြေအနေ ဖြစ်ခဲ့ရတယ်လို့ ဆိုပါတယ်။
ဒါပေမယ့် သူ့အနေနဲ့ကတော့ လူတွေရဲ့ ကူညီပေးချင်တယ်လို့ ဆိုပါတယ်။သူ့ရဲ့အသက်ဟာ အခုလ ဇူလိုင် ၅ ရက်နေ့မှာ ၅၇ နှစ် ပြည့်လို့ လာပါပြီ။သူဟာ အခြားသူတဦးရဲ့ အကူအညီမပါဘဲ သွားလာ လှုပ်ရှားဖို့ ခက်ခဲတဲ့ အခြေအနေမျိုးမှာတောင် လူတွေကို ကူညီနေရရင် ပျော်နေသူ တစ်ဦးပါလို့ ဆိုပါတယ်။
ဆရာမအီးတီရဲ့ ဗေဒင်ဟောကြားမှုဟာ အခုဆို နှစ်ပေါင်း ၃၀ ကျော်လာပြီ ဖြစ်သလို ဟောကြားမှုကနေ ရရှိလာတဲ့ ငွေကြေးတွေကနေ အီးတီဖောင်ဒေးရှင်း တခု တည်ထောင်ပြီး မျက်စိ လူနာရှင် များစွာကိုလဲ အခမဲ့ ခွဲစိတ်ကုသမှုတွေ လုပ်ဆောင်ပေးနေပါတယ်။
ဆရာမအီးတီရဲ့ ဟောကြားမှုအပေါ် ယုံယုံကြည်ကြည်နဲ့ လာရောက်မေးမြန်းတဲ့သူတွေထဲမှာ ပြည်တွင်းတင် မကဘဲ နိုင်ငံခြားသားတွေကပါ စိတ်ပါဝင်စားနဲ့ လာရောက်မေးမြန်းတာတွေ ရှိနေတာပါ။
နောက်ပြီး ဆရာမအီးတီရဲ့ ထူးခြားမှု နောက်တခုဟာ ပညာရေးမှာ လေးတန်းကျောင်းသူ အဖြစ်နဲ့ပဲ နေခဲ့ရတယ်ဆိုပေမယ့် အင်္ဂလိပ်ဘာသာစကားကို ကောင်းကောင်းမွန်မွန် ရေးသားနိုင်တာကို တွေ့ရတယ်လို့ ဆိုပါတယ်။
အခုလို သူ့ကို ယုံယုံကြည်ကြည်မေးတဲ့သူတွေ များလာတာကို သူ့အနေနဲ့ ပျော်ရွင်ရပေမယ့် တခါတလေတော့ မေးတဲ့သူတွေကြောင့် သူ့မှာ စိတ်ပင်ပန်းရတာတွေ ရှိတယ်လို့ ဆိုပြန်ပါတယ်။
နောက်ပြီး ဆရာမအီးတီ ဗေဒင်ဟောတဲ့ အိမ်ထဲကို ဝင်လိုက်မယ်ဆိုရင် အဝင်ပေါက်ဝမှာတင် နိုင်ငံရေး၊ ချဲ့၊ လူပျောက် စတဲ့ ကိစ္စတွေကို မဟောဘူးလို့ အတိအလင်း အသိပေးထားတာ တွေ့ရမှာပါ။
ဆရာမအီးတီအနေနဲ့ကတော့ လူတွေကို သူနိုင်တဲ့ ဘက်က ဆုတောင်းမေတ္တာပို့တာတွေ လုပ်နေသလို လူတွေကလည်း ကိုယ်တိုင် ကုသိုလ်ယူတတ်ဖို့ လိုတယ်လို့လဲ အခုလို ပြောကြားခဲ့ပါတယ်။
ရုပ်သံ သတင်းထောက်- အလှလေး သူဇာ