Онсыз да онлайн оқудан мезі болған жұрт енді, оразадағы тарауықты да онлайн оқуға мәжбүр. Карантиндік шектеулерге байланысты биыл топтасып ауыз ашуға, жамағатпен намаз оқуға тиым салынған. Дегенмен дін өкілдері шектеу шараларын ескере отырып, шариғаттағы шарттарды барынша қамтуға болады дейді.
Карантиндегі онлайн қызметтің дамуы, жалпақ жұртың да тұрмысының кей тұсын жеңілдете түскендей. Өйткені бұрын садақа беруге уақытын сылтауратқандар енді, оны онлайн беріп, онлайн құран оқыта алады. Оның үстіне қазіргі карантиндік шектеулер де діннің негізін бұзбай отырып, амалдарды орындауға ықпал жасайды.
ЕРКІНБЕК ШОҚАЙ Алматы қаласының бас имамы
- Ислам діні адамның күнделікті жағдайын оның, мүмкіндігін ескеретін дін. Шариғат бұрын ескеріп қойған үкімді біз былтыр осы құрбан айттың кезінде карантиндік жағдайда кең көлемде іске асырдық. Шариғатта егер адам баласы өзі құрбандық шалуға бара алмайтын болса, өзі барып оған атсалыса алмайтын болса, онда өзінің бір өкіліін тағайындауға болады. Оның атынан біреу шалуға болады.
Ал онлаин оқуға енді-енді еті үйренген ел, құрбандықты онлаин шалып, оразаны онлайн ұстаудың да амалын жасауға мәжбүр. Өйткені ауызашар бергіңіз келсе, ауызашарды тапсырыспен алдырып берсеңіз де ниет қабыл болады дейді дін өкілдері. Себебі біздегі жаңа енген үрдіс, көршілес мұсылман елдерінде ежелден қолданысқа еніп кетіпті. Сондықтан дінді де, оразаны да бұзбайды деп отыр бас имам.
ЕРКІНБЕК ШОҚАЙ, Алматы қаласының бас имамы:
- Ауыздан, мұрыннан және тікішектен кіретін ішке асқазанға түсетін нәрселер, сол оразаны бұзады, ауызды ашады. Ал вакцина біз бәріміз білеміз бұл бұлшықеттің арасына егілетін дәрі. Бұлшықеттің арасына егілген дәрі ауызды ашпайды, оразаны бұзбайды.
Ал мына бір ғимаратты алғаш көргенде, мешіт деп ойламасыңыз анық. Өйткені мешіт десе көне күмбезбен, ескі оюды ғана ойыңызға алып үйреніп қалғансыз. Алайда мамандар құлшылық ететін орынның пішімінің өзгеруі дінді бұзбайды дейді. Ғалымдар сөзінен түйгеніміз дін, заманына қарай құбылып, адамына қарай белгілі бір форматқа өзгеруі мүмкін екен. Бұған осыған дейін ел естіп көрмеген, онлаин тарауық пен онлаин құран хатым дәлел болып отыр.
ӘЛІБЕК ШЫНТЕМІР, тілші:
- Алматы орталық мешітінде қазір де жамағатпен намаз оқылмайды дейді бас имам. Сондай ақ шариғаттың шарттарын бұзбай ақ садақа беруге болатынын айтады. Ал ауызашар бұрынғыдай мешіт аумағында берілмейді деп отыр. Сондықтан мешіт ұжымы күніне 500 мұқтаж отбасыға ауызашар мәзірін жеткізіп береміз дейді.
Әлібек Шынтемір, Ринат Абулхайыров
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Рамазан #Ораза2021 #онлайн_ораза