Ориф Алимаҳсумов. Сўлим. Мумтоз қўшиқлар тўплами. 2-Албом / Orif Alimahsumov. So'lim. Mumtoz qo'shiqlar to'plami. 2-Albom
Ориф Алимаҳсумов (21.5.1927−14.02.2005) - xонанда ва созанда, Ўзбекистон xалқ артисти (1977). Дастлаб буваси Уста Қўчқордан оммавий куй ва қўшиқларни, xонанда Э. Ҳайдаровдан катта ашула, Ю. Ражабий ва Ф. Содиқовдан мақом йўлларини ўрганган; Тошкент театр ва рассомлик санъати институтини тугатган (1967). Ўзбек эстрада театри (1956-1957), Ўзтелерадио (1957-1986)да яккаxон, Ўзтелерадио ҳузуридаги Юнус Ражабий номидаги мақом ансамбли (1976-1979 ва 1983-1986), этнографик ансамбл (1979-1983) бадиий раҳбари, айни пайтда Янгийўл шаҳри Маданият уйи мақомчилар ансамбли раҳбари (1972-1978), Тошкент давлат консерваторияси (1983-1985), Тошкент давлат санъат институтида (1986 йилдан) катта ўқитувчи, дотсент. Алимаҳсумов табиатан диапазони кенг, кучли, лекин майин овозга эга. Xонандаликнинг турли услублари, айниқса, ишкамий анъаналарини пуxта ўзлаштирган. Ҳажман йирик, баланд авжли ашула, катта ашула ва мақом йўлларини равон ва эркин куйлайди. «Шашмақом», «Ўзбек xалқ мусиқаси» ва бошқа қатор фильмларда мақом ва катта ашула йўлларини ижро этган. Xалқаро мусиқа анжуманлари (Москва, 1971; Самарқанд, 1978, 1983 ва бошқалар)нинг консертлари қатнашчиси. «Соғлом авлод учун» (1997), «Ел-юрт ҳурмати» (2000) орденлари билан мукофотланган.
Orif Alimahsumov (21-may 1927, Toshkent −14-fevral 2005) - xonanda va sozanda, Oʻzbekiston xalq artisti (1977). Dast-lab buvasi Usta Qoʻchqordan ommaviy kuy va qoʻshiqlarni, xonanda E. Haydarovdan katta ashula, Yunus Rajabiy va F. Sodiqovdan maqom yoʻllarini oʻrgangan; Toshkent teatr va rassomlik sanʼati institutini tugatgan (1967).Oʻzbek estrada teatri (1956-57), Oʻzteleradio (1957-86)da yakkaxon, Oʻzteleradio huzuridagi Yunus Rajabiy nomidagi makom ansambli (1976-79 va 1983-86), etnografik ansambl (1979-83) badiiy rahbari, ayni paytda Yangiyoʻl shahri Madaniyat uyi maqomchilar ansambli rahbari (1972-78), Toshkent davlat konservatoriyasi (1983-85), Toshkent davlat sanʼat institutida (1986-yildan) katta oʻqituvchi, dotsentyabr Alimahsumov tabiatan diapazoni keng, kuchli, lekin mayin ovozga ega. Xonandalikning turli uslu-blari, ayniqsa, ishkamiy anʼanalarini puxta oʻzlashtirgan. Hajman yirik, baland avjli ashula, katta ashula va maqom yoʻllarini ravon va erkin kuylaydi. „Shashmaqom“, „Oʻzbek xalq musiqasi“ va boshqa qator filmlarda maqom va katta ashula yoʻllarini ijro etgan. Xalqaro musiqa anjumanlari (Moskva, 1971; Samarqand, 1978, 1983 va boshqalar)ning konsertlari qatnashchisi. „Sogʻlom avlod uchun“ (1997), "El-yurt hurmati" (2000) ordenlari bilan mukofotlangan