Рет қаралды 9
Қаладағы Абылай хан атындағы №140 орта мектебінің базасында халықаралық отбасы күніне орай спорттық шара өтті. Эстафеталық сайысқа оқушылар мен ата-аналар қатысып, салауатты өмір салтын ұстанған жанұялар анықталды.
Қалалық отбасын қолдау орталығы ұйытқы болған эстафеталық сайыста 8 отбасы сынға түсіп, олар төрт кезең бойынша бақ сынады. Салауатты өмір салтын ұстанған жанұялардың барлығы көпбалалы отбасылар. Жарыс ережесіне сәйкес оқушылар мен ата-аналар түрлі кедергілер арасымен жылдамдыққа жүгіріп, мықтыны анықтады. Тартысты дода қорытындысы бойынша бірінші орынды Отарбаевтар отбасы жеңіп алды. Жігеровтер жанұясы екінші орынды иеленсе, Қалжановтар отбасы үшінші орынды місе тұтты. Жарыс соңында барлық қатысушыларға арнайы алғыс хат пен кубок және естелік сыйлықтар табысталды. Жалпы бұл күні сайысқа қатысушылар тек бой сергітіп қана қоймай, отбасы ұйымшылдығын қалыптастырып, ауызбіршілігін арттырды. Ұйымдастырушылар мұндай шараларды алдағы уақытта жиі өткізіп тұруды дәстүрге айналдырмақшы.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv