Собиқ депутат¸ Экология, атроф-муҳитни муҳофаза қилиш ва иқлим ўзгариши вазири маслаҳатчиси Расул Кушербаев ўз телеграм каналида Тошкентнинг Юнусобод туманида тадбиркорлик субъектларининг бузилишини танқид қилди.
Озодлик билан суҳбатда тадбиркорлар ўзлари тегишли дўконлар ноқонуний бузилаётгани, бинолар учун уларга бир сўм ҳам товон пули тўланмаётгани¸ 50дан ортиқ одам ишсиз қолаётгани ва ички ишлар ходимларининг зўравонлигидан шикоят қилишган.
Кушербаевга кўра¸ мулк дахлсизлиги рейтингида 139 давлат орасида 138 ўринда турган Ўзбекистонда фуқаролар ўзларининг мулкка бўлган ва бошқа тамал инсоний ҳуқуқларидан маҳрум қолмоқда.
🔴Ozodlik kanaliga obuna bo'ling! 👉 t.me/ozodlikkanali
🔴 Bizga xabar yo'llash uchun 👉 t.me/ozodnews
Sobiq deputat¸ Ekologiya, atrof-muhitni muhofaza qilish va iqlim o‘zgarishi vaziri maslahatchisi Rasul Kusherbayev o‘z telegram kanalida Toshkentning Yunusobod tumanida tadbirkorlik subyektlarining buzilishini tanqid qildi.
Ozodlik bilan suhbatda tadbirkorlar o‘zlari tegishli do‘konlar noqonuniy buzilayotgani, binolar uchun ularga bir so‘m ham tovon puli to‘lanmayotgani¸ 50dan ortiq odam ishsiz qolayotgani va ichki ishlar xodimlarining zo‘ravonligidan shikoyat qilishgan.
Kusherbayevga ko‘ra¸ mulk daxlsizligi reytingida 139 davlat orasida 138 o‘rinda turgan O‘zbekistonda fuqarolar o‘zlarining mulkka bo‘lgan va boshqa tamal insoniy huquqlaridan mahrum qolmoqda.
#ozodlik #uzbekistan #tashkent #kusherboyev #buzbuz #mirziyoyev