Рет қаралды 296,305
63 ёшида ҳалок бўлган Эроннинг ўта консерватив президенти Иброҳим Раисий мамлакатнинг кейинги олий раҳнамоси бўлади, деб ишонилган эди.
Раисий ва Эрон ташқи ишлар вазири Ҳусайн Амир Абдуллаҳиённи олиб кетаётган вертолёт 19 май куни Озарбайжон чегарасига ташрифдан қайтаётиб, мамлакат шимоли-ғарбидаги тоғларга қулаган ва бортдагиларнинг барчаси ҳалок бўлган.
Дунё лидерлари Эронга ҳамдардлик билдираётган бир пайтда Лондон ва Берлинда эронлик мухолифатчилар Раисий ўлимини байрам қилишди.
2021 йили мамлакат президенти этиб сайланган 63 ёшли Иброҳим Раисий норозилик чиқишларини аёвсиз бостирган қаттиққўл раҳбар сифатида билинади. Раисий 1988 йилда Теҳронда юз берган норозиликларни бостиришдаги роли учун “Теҳрон қассоби” деб ҳам аталган. У лавозимга келганидан буён мусулмон ахлоқига оид қонунларни кескинлаштирган ва Эрон ядровий дастури бўйича қудратли давлатлар билан музокараларни фаол олға суриб келган.
🔴Ozodlik kanaliga obuna bo'ling! 👉 t.me/ozodlikkanali
🔴 Bizga xabar yo'llash uchun 👉 t.me/ozodnews
63 yoshida halok bo‘lgan Eronning o‘ta konservativ prezidenti Ibrohim Raisiy mamlakatning keyingi oliy rahnamosi bo‘ladi, deb ishonilgan edi.
Raisiy va Eron tashqi ishlar vaziri Husayn Amir Abdullahiyonni olib ketayotgan vertolyot 19 may kuni Ozarbayjon chegarasiga tashrifdan qaytayotib, mamlakat shimoli-g‘arbidagi tog‘larga qulagan va bortdagilarning barchasi halok bo‘lgan.
Dunyo liderlari Eronga hamdardlik bildirayotgan bir paytda London va Berlinda eronlik muxolifatchilar Raisiy o‘limini bayram qilishdi.
2021-yili mamlakat prezidenti etib saylangan 63 yoshli Ibrohim Raisiy norozilik chiqishlarini ayovsiz bostirgan qattiqqo‘l rahbar sifatida bilinadi. Raisiy 1988-yilda Tehronda yuz bergan noroziliklarni bostirishdagi roli uchun “Tehron qassobi” deb ham atalgan. U lavozimga kelganidan buyon musulmon axloqiga oid qonunlarni keskinlashtirgan va Eron yadroviy dasturi bo‘yicha qudratli davlatlar bilan muzokaralarni faol olg‘a surib kelgan.
#ozodlik #uzbekistan #tashkent #yangiliklar #eron #halokat